2018-06-12
7676 جار خوێندراوەتەوە
+
-
ئەحمەد خەلیل، گۆرانیبێژ لە هەژماری خۆی لە تۆڕی کۆمەڵایەتی ئینستاگرام لە گرتەیەکی ڤیدیۆیدا ئاشکرای دەکات کە نوێترین کاری هونەری خۆی ڤیدیۆ کلیپێکە لە ژێر ناوی "خیانەت" کە شەوی سێ شەمە لەسەر چوار شەمە بڵاوی دەکاتەوە.
ئەحمەد خەلیل لە گرتە ڤیدیۆکەدا ئاماژە بەوە دەکات کە کارەکانی ئەم بەرهەمەی تەواو بووە و ئەمشەو کلیپی "خیانەت" بڵاودەکاتەوە کە دەرهێنەری کلیپەکە بڕیار فەتاحە.
ئاشکراشیکرد، جگە لەم بەرهەمە سەرقاڵی چەند کارێکی هونەری ترە، ئەم بەرهەمەشی وەکو جەژنانە پێشکەشی هەوادارەکانی دەکات.
ئەحمەد خەڵکی سلێمانییە و چەند ساڵێکە دەستی بە کاری ھونەری کردووە، خاوەنی چەندین گۆرانی و ڤیدیۆ کلیپە، چەندین ئاھەنگ و کۆنسێرتیشی لە شوێنە جیاوازەکانی کوردستان و دەرەوەی کوردستان ئەنجام داوە، کلیپەکانیشی بینەرێکی زۆریان ھەیە.
ئ.ل