2018-06-12
3943 جار خوێندراوەتەوە
+
-
ڤیدیۆیەکی سارا عیدان شاجوانی عێراق بۆ ساڵی ٢٠١٧ لەگەڵ شاجوانی ئیسرائیلدا بووە جێگای باس و ڕەخنەیەکی زۆر لە تۆڕە کۆمەڵایەتییەکاندا.
سارا لە هەژماری تایبەتیدا لە ئینستاگرام پارچە ڤیدیۆیەکی بڵاوکردووەتەوە کە لەگەڵ شاجوانی ئیسرائیل، هەدار جاندسلێمان دەرکەوتووە لەکاتی سەردانکردنی بۆ قودس و نوسیویەتی "شالۆم.. سڵاو لە قودس-ئۆرشەلیم".
هەروەها وێنەیەکی دیکەی بڵاوکردووەتەوە کە لەکاتی گەشتکردنی بەناو قودسدا گرتوویەتی، و ئەم بڵاوکراوانە بوونەتە جێگای باس و ڕەخنەیەکی زۆر لە تۆڕە کۆمەڵایەتییەکاندا و کەسانێکی زۆر ڕەخنەیان لەبارەی نوسینەکەیەوە گرتووە و وتوویانە کە قودس موڵکی فەڵەستینە نەك ئیسرائیل و هەر بەو جۆرە دەمێنێتەوە.
لە ساڵی ڕابردووشدا بە بڵاوکردنەوەی سێڵفییەك بە هەمان شێوە لەگەڵ شاجوانی ئیسرائیلدا تووشی هەمان ڕەخنە بوویەوە لەلایەن بەکارهێنەرانی تۆڕە کۆمەڵایەتییەکانەوە.
ژ.ن