لە وڵاتێکی عەرەبیدا بۆماوەی هەفتەیەك هاوسەرگیریی قەدەغەکراوە

2021-07-01

1418 جار خوێندراوەتەوە

+ -

هاوڵاتیانی وڵاتێکی عەرەبی تووشی سەرسوڕان بوون بە بیستنی ئەو هەواڵەی کە دەوترا نابێت بۆماوەی هەفتەیەك هاوسەرگیری بکەن.

بەگوێرەی هەواڵێکی ماڵپەڕی "الوطن"، سەندیکای نیشتیمانی وڵاتی مەغریب رایگەیاند، کە بایکۆتی کارکردنیان کردوە و داوا دەکەن ماددەیکی یاسایی بگۆڕدرێت کە پەیوەندی بە دۆخی کارکردنیانەوە هەیە.

ئەم بایکۆتەش لە ١ی تەمووزەوە دەستپێدەکات و بۆماوەی هەفتەیەك بەردەوام دەبێت و هەموو وڵاتی مەغریب دەگرێتەوە، سەندیکاکە داوا دەکات لەم ماوەیەدا وەزارەتی داد وەڵامی داواکانیان بداتەوە و ئەو یاسایە بگۆڕێت کە داوایان کردوە.

لەماوەی ئەو مانگرتنەشدا هیچ رێککەوتنێکی هاوسەرگیریی واژۆ ناکرێت و بەکارناخرێت، لەگەڵ ئەوەشدا هیچ کارێکی بازرگانی و خانوبەرە لەلایەن ئەو سەندیکایەوە بەڕێوە ناچێت.

ژ.ن