کۆمپانیای مایکرۆسۆفت ویندۆزی ١١ی ناساند.

2021-06-30

946 جار خوێندراوەتەوە

+ -

لە ڕاگەیندراوێکی کۆمپانیای مایکرۆسۆفت دا هاتووە، ویندۆزی ١١ توانایەکی زیاتری هەیە و لەڕووی پاراستنی زانیارییە کەسییەکانەوە بەهێزترە.

هەروەها بەکارهێنانی ئەم سیستمە نوێییە ئاسانکاری دۆزینەوەی بەڵگە و ئەپڵیکەیشنەکان بۆ بەکارهێنەر دەکات و لەم ویندۆزە نوێیەوە دەتوانرێت خێراتر زانیاری و یارییەکان بەکاربهێندرێن.

ئەو کەسانەی ویندۆزی ١٠یان هەیە دەتوانن بەبێ بەرامبەر ویندۆزی ١١ داببەزێنن و واش بڕیارە لە کۆتایی ئەمساڵدا، ئەم ویندۆزە نوێیە بخرێتە بازاڕەوە.

ویندۆز بریتیە لە چەند سیستەمێکی کارپێکردن کە مایکرۆسۆفت پەرەیان پێدەدات،

وەک یەکەم ناسینی بە خەڵکی ، مایکرۆسۆفت سیستەمەکەی ناو نا Windows لە تشرینی دووەمی ساڵی ١٩٨٥دا و ئێستاش تاوەکو وەشانی ویندۆز ١٠ بەردەستە و وەشانی ویندۆز ١١ش بەردەست دەبێت.

مایکرۆسۆفت کۆمپانیایەکی تەکنۆلۆژیای کۆمپیوتەرە، گرینگترین بەرھەمەکانی سیستمی کارپێکردنی مایکرۆسۆفت ویندۆز و مایکرۆسۆفت ئۆفیسە، مایکرۆسۆفت لە ١٩٧٥دا دامەزراوە.