پێشبینیی ئەمڕۆی بورجەکان

2021-06-29

38090 جار خوێندراوەتەوە

+ -

بۆ ئەوانەی ئارەزووی پێشبینی بورجەکانیان دەکەن، رۆژانە دیجیتاڵ میدیای ئێن ئاڕ تی لەسەرچاوە فەلەکییەکانەوە پێشبینییەکان وەردەگرێت و بڵاویدەکاتەوە.

كاور 21/3 - 19/4 

هەمیشە بەدوای نوێگەریدا بگەڕێ لەرووی پیشەییەوە و هەنگاوەکانت بگۆڕە، هێندە مەرجی قورس بەسەر خۆشەویستەکەتدا مەسەپێنە، پێویستە ئازادی هەبێت، لەهەمان کاتدا گرنگی بە تەندروستیشت بدە.

گا 20/4 - 20/5

ئەزموونێکی باشت هەیە و بە تواناکانی خۆت دەتوانیت چارەسەری کێشەکانت بکەیت، لەرووی سۆزدارییەوە هەندێک گۆڕانکاریی روودەدات و پەیوەندیی سۆزداریت باشتر دەبێت.

دووانە 21/5 - 21/6

کارەکانت بەشێوەیەکی گونجاو رێکبخەرەوە و رێگایەکی راست بگرە، پێشکەشکردنی بیرۆکەی جیاواز بۆ خۆشەویستەکەت لەپێناو بەرەوپێشچوونی پەیوەندیەکەتان شەرمی ناوێت، بەڵکو هەنگاوێکی گرنگە.

قرژاڵ 22/6 - 22/7

رەنگە چالاکی زۆر لە کارەکەت بەڕێوەبچێت و تواناکانی تۆش جێگای بایەخە بۆ هەمووان، چونکە بیرۆکەی جوان پێشکەش دەکەیت، لەگەڵ خۆشەویستەکەت ساتەکانت بە ئاسوودەیی بەسەربەرە و هەوڵبدە گۆڕانکاریی بکەیت.

شێر 23/7 - 22/8

بارودۆخی کارکردن گونجاوە و خواستەکانت زیاتر دەبێت بۆ بەدیهێنانی ئامانجەکانت، ناکۆکی زۆر هەیە لە نێوان خۆت و خۆشەویستەکەت، ئەمەش وایکردووە هەرگیز پەیوەندیتان جێگیر نەبێت.

فەریك 23/8 - 22/9

پلان بۆ داهاتوو دادەنێیت و بڕیاردەدەیت چۆن بەکاریبهێنیت، لە نزیک خۆشەویستەکەت سەرکێشانە هەنگاو بۆ ژیان دەنێییت، ئەم ماوەیە پێویست بە پشوو هەیە، چونکە زۆر ماندووبوویت.

تەرازوو 23/9 - 22/10

کارەکانت هۆکارێکن بۆ بەدەستهێنانی پلەیەکی باشتر کە لە مێژە چاوەڕوانی دەکەیت، پەیوەندیی سۆزداریت بەشێوەیەکی خێرا گەشەدەکات و هەنگاوی باش دەنێن، رەنگە هەست بە هەندێک ئازاری جەستەیی بکەیت، بەڵام رێگامەدە تووشی دڵەڕاوکێت بکات.

دووپشك 23/ 10-21/11

رێگامەدە هیچ کەسێک بڕیار لەسەر کارەکانت بدات لەرووی پیشەییەوە و دەبێت خۆت متمانەت  بە خودی خۆت هەبێت، رەنگە خۆشەویستەکەت هەستەکانی خۆی دەربڕێت و قسەکانی ببنە جێگەی دڵخۆشی وهەستکردن بە ئارامی زیاتر.

كەوان 22/11 - 21/12

ئەمڕۆ لەرووی پیشەییەوە هەنگاوی نوێ دەنێیت و بەرپرسانی کارەکەت سەرسام دەکەیت بە تواناکانت، باشترە هەستەکانت بۆ خۆشەویستەکەت راستگۆیانە دەربڕیت و بوێربیت، بەردەوام مێشکت ماندوو مەکە، پێویستە هاوسەنگی رابگریت.

گیسك 22/12 - 19/1

کاتێکی گونجاوە بۆ ئەوەی لەرووی پیشەییەوە هەنگاوی گەورە بنێیت و داهاتوویەکی پرشنگدارت هەبێت، رێگامەدە دڵەڕاوکێ کاریگەریی بخاتە سەر پەیوەندیی سۆزداریت، راوێژی پزیشک وەربگرە کاتێک هەست بە ئازارێک دەکەیت.

سەتڵ 20/1 - 18/2

پەستانی زۆری کارکردن بەرەو کۆتایی دەڕوات، دوای چارەسەری بەشێکی زۆر لە کێشەکان هەست بە متمانەت و حەوانەوە دەکەیت، خۆشەویستەکەت یان هاوبەشی ژیانت هەوڵدەدات پشتیوانیت بکات و ئاسوودەبیت.

نەهەنگ 19/2 - 20/3

زیاتر بایەخ بە کارەکەت بدە، بۆ ئەوەی بەرهەمێکی باشتر هەبێت، رەنگە هەواڵێکی نوێ لەرووی سۆزدارییەوە ئاسوودەت بکات، پێویست بە کەشێکی ئارام هەیە تا دەروونت بحەوێتەوە.

ئ.ل