ئایا برینەکانی سەر پێست و لێو مەترسیدارن؟

2018-12-14

17903 جار خوێندراوەتەوە

+ -

تەقین و برینەکانی سەر لێو لای زۆرێک لە خەڵکی مەترسیدارە و تێڕوانینی هەڵەیان بەرامبەر بەو کێشەیە هەیە.

بەپێی بابەتێک کە لە لە ماڵپەڕی زە سەنی بەریتانی بڵاوکراوەتەوە، کۆمەڵێک بیرکردنەوەی هەڵە دەربارەی نەخۆشی (herpes) هەیە، کە نەخۆشییەکی ڤایرۆسییە و دەبێتەهۆی برینی سەر پێست و لێو، بەڵام لە ڕاستییەوە دوورن و خەڵکی تێڕوانینی هەڵەیان لەمبارەیەوە هەیە.

دکتۆر کلاری مۆریسۆن چەند ڕاستییەکی ئەو نەخۆشییە دەخاتەڕوو کە خەڵکی تێڕوانینی هەڵەیان بۆی هەیە.

- خەڵکی پێیانوایە تەنها کەسە "بەدڕەوشتەکان" تووشی ئەم جۆرە نەخۆشییە دەبن، بەڵام ئەمە تێڕوانینێکی هەڵەیە و ئەم ڤایرۆسە لە جەستەی زۆر کەسدا هەیە.

- خەڵکی پێیانوایە ئەم ڤایرۆسە لە ڕێگای جوتبوونەوە دەگوازرێتەوە، بەڵام ئەم تێڕوانینە ڕاست نییە و ڤایرۆسەکە لەم ڕێگایەوە ناگوازرێتەوە و تەنها لای کەسە توشبووەکە دەمێنێتەوە.

- بەشێک لە خەڵکی پێیانوایە ئەم نەخۆشییە جۆرێکی دەگمەنە و کەم کەس تووشی دەبێت، بەڵام ساڵانە ٧٠%ی خەڵک تووشی ئەم جۆرە نەخۆشییە دەبن.

- هەندێک لە خەڵکی پێیانوایە ئەم ڤایرۆسە هۆکارە بۆئەوەی ژیانی سێکسییان تێکبچێت، بەڵام ئەم تێڕوانینە هەڵەیە، واتە دەکرێت ڕێگری لە گەشەسەندنی نەخۆشییەکە بکرێت.

- هەندێکی تریش لە خەڵکی پێیانوایە ئەم نەخۆشییە دەرمانی هەیە و چارەسەر دەکرێت، بەڵام لە ڕاستیدا ئەم نەخۆشییە چارەسەری نییە و تەنها دەکرێت ڕێگری لە گەشەسەندنی بکرێت.

نەخۆشی (herpes) بەهۆی جۆرێک لە ڤایرۆسەوە دروستدەبێت کە ساڵانە لە وڵاتی بەریتانیا ٧٠%ی خەڵکی تووشی ئەم جۆرە نەخۆشییە دەبن، ئەم نەخۆشییە مەترسییەکی زۆری بۆ منداڵانی تازە لەدایکبوو هەیە، بەڵام بۆ کەسە گەورەکان مەترسیدار نییە.

م.ئ