کۆمپانیای سامسۆنگ ئەمڕۆ پێنجشەممە مۆبایلە چاوەڕوانکراوەکەی گالاکسی نۆت ٩ی ئاشکراکرد، کە خاوەنی چەند تایبەتمەندییەکی جیاوازە.

بەگوێرەی بەیاننامەیەکی کۆمپانیاکەی کۆریای باشور، ئەو مۆبایلە نوێیەی خاوەنی چەند تایبەتمەندییەکی نوێیە وەک قەڵەمی ئەلکترۆنی و بۆ یەکەمجار تایبەتمەندی پەیوەندی بۆ زیادکراوە.

مۆبایلەکە خاوەنی کامێرایەکی نزیکە و دەبێتەهۆی کەمکردنەوەی ژاوەژاو و زومێکی دوو شەتەری جوڵاو، کە توانای خۆگونجاندنی دەبێت لەگەڵ ژاوەژاو و جوڵەجوڵی چاودا.

زومی کامێرای گالاکسی نۆتی ٩ توانای باشکردنی دیمەنە تۆمارکراوەکانی هەیە، لەڕێگەی پشتبەستن بە تایبەتمەندی پێکهاتەکانی وێنەکە، وەک دیمەن و پەیکەری ئەو وێنەی کە دەتەوێت تۆماریبکەیت.

کامێرای مۆبایلی نۆتی ٩ شاشەیەکی گەورەی هەیە لە لێوارەوە بۆ لیوار لە جۆری (AMOLED Infinity Super) بە پێوانەی ٦.٤ ئینج.

بیستۆکی دەنگی ستریۆی بۆ دانراوە و دەنگەکە بە تەکنیکی (Dolby Atmos)یە.

مۆبایلەکە خاوەنی باترییەکی ٤٠٠٠ میلی ئەمپێرییە و بە گەورەترین باتری مۆبایلەکانی سامسۆنگ دادەنرێت، وەک بەیاننامەکە ئاماژەی پێکردووە بەشی یەک ڕۆژی تەواو دەکات، بەکارهێنەر دەتوانێت ئەو ڕۆژە بێ مەترسی پەیوەندی و یارییە ڤیدیۆییەکان بکات و سەیری فیلمیش بێئەوەی ترسی تەواوبوونی بارگاوی بوونی باترییەکە هەبێت.

لەسەر ئاستی ئەمبارکردنی زانیارییەکان بە توانای ١٢٨ و ٥١٢ گێگا بایت بەردەستدەبێت.

ع.م