کۆمپانیای ئەپڵ لە کۆنفراسێکى ڕۆژنامەوانى جیهانییدا لە ویلایەتی کالیفۆرنیا نوێترین مۆدێلەکانی ئایفۆنی ١١ی نمایشکرد.
کۆمپانیای ئەپڵ لە کۆنفراسێکى ڕۆژنامەوانى جیهانییدا لە ویلایەتی کالیفۆرنیا نوێترین مۆدێلەکانی ئایفۆنی ١١ی نمایشکرد.
ماڵپەڕی بی بی سی بڵاویکردەوە، ئاپڵ نوێترین مۆدێلەکانی ئایفۆنی ١١ی نمایشکرد، مۆدێلە نوێیەکان کامێرای زیاتریان پێوە دەبێت بە بەراورد بە ئایفۆنەکانی پێشوو و لەسەر پرۆسێسەرێکی نوێ کاردەکەن کە وزەی کەمتر بەکاردەهێنێت.
مۆدێلە نوێکانی ئایفۆنی ١١، بریتین لە، ئایفۆنی ١١، ١١ پرۆ، و ١١ پرۆ ماکس، بە گوێرەی ئەپڵ، باتریی هەردوو مۆدێلە پڕۆکان چوار بۆ پێنج کاتژمێر زیاتر کار دەکەن بە بەراورد بە مۆدێلەکانی ساڵانی پێشوو.
هەرسێ مۆدێلە نوێکانی ئایفۆنی ١١، سێ کامێرایان پێوە دەبێت، کامێرایەکی واید، ئەڵترا واتد و تێلەفۆتۆ، هەروەها مۆبایلەکان تەکنەلۆژیای"Night Mode"یان دەبێت کە لە شەواندا وێنەکان ڕووناک دەکاتەوە.
مۆبایلەکان لەسەر پرۆسێسەرێکی نوێ کار دەکەن بە ناوی "A13 Chip"، کە وا دەکات باترییەکەیان بۆ ماوەیەکی درێژخایەن کار بکات و خێراتر شێوەی دەموچاو بناسنەوە، هەروەها "GPU"ی مۆدێلە نوێکان خێراترین "GPU"ی دەبێت لە جیهاندا.
بە گوێرەی کۆمپانیاکە، نرخی ئایفۆنی ١١، ٧٠٠ دۆلار دەبێت، لە کاتێکدا نرخەکانی پرۆ و پڕۆ ماکس، ١٠٠٠ و ١١٠٠ دۆلار دەبن.
کۆمپانیاى ئەپڵ لە کۆنگرەیەکدا ڕۆژی ١٣ى ئەم مانگەی دیاریکرد بۆ داواکارى پێشوەختەى کڕینى جۆرە نوێکانی ئایفۆن.
ئاماژەى بەوەشکردووە، پرۆسەى فرۆشتن لە ٢٠ى ئەیلول دەستپێدەکات واتە هەفتەیەک دواى داواکارى پێشوەختەى کڕینى ئایفۆنەکان.
هەر سێ جۆرى ئایفۆنەکە بەیەک قۆناغ بڵاودەکاتەوە نەک قۆناغ بە قۆناغ کە پێشتر کۆمپانیاى ئەپڵ جۆرى جیاوازى موبایلەکانى بڵاودەکردووەتەوە.
کۆمپانیاکە ڕونیکردووەتەوە، تایبەتمەندى مۆبایلى ئایفۆن ١١ هەندێک نوێکارى بنەڕەتى تێدا کراوە گرنگترینیان پشتبەستنە بە کامێراى تێکەڵ لەهەمان کاتدا پاراستنى شاشەى LSD ، و دواخستنى شاشەى OLED بۆ ساڵى ٢٠٢٠.