ئەمڕۆ یەکشەممە کۆمپانیای ھواوی نوێترین موبایلی خۆی بە ناو (مەیتی ئێکس) ئاشکراکرد کە ڕوونماکەی توانای چەمانەوەی ھەیە و چەندین تایبەتمەندیەکی نوێی ھەیە.
ئەمڕۆ یەکشەممە کۆمپانیای ھواوی نوێترین موبایلی خۆی بە ناو (مەیتی ئێکس) ئاشکراکرد کە ڕوونماکەی توانای چەمانەوەی ھەیە و چەندین تایبەتمەندیەکی نوێی ھەیە.
کۆمپانیاکە بە شێوەیەکی فەرمی ڕایگەیاندووە، مەیتی ئێکس خێراترین موبایلی زیرەکە لە سەر زەویدا کە ڕوونماکەی دەچەمێتەوە و کە تۆڕی نەوەی پێنجەمی G٥ تێدا جێگرکراوە.
موبایلەکەی ھواوی بە پێچەوانەی موبایلەکەی سامسۆنگەوە کە بۆ ناوەوە دەچەمێتەوە، ئەم بۆ دەرەوە دەچەمێتەوە و ئەمەش وا دەکات قەبارەی ڕوونماکەی ٨ ئینجبێت و بە ووردی و ڕوونی ٢٤٨٠ * ٢٢٠٠ پێکسڵ.
موبایلی مەیتی ئێکس بە پێچەوانەی سامسۆنگەوە کاتێک ڕوونماکەی دەکرێتەوە ھیچ شوێنەوارێکی ئاستی چەمانەوەیەکەی دیار نامێنێت و سەرجەم شاشە گەورەکەی بە ڕوونی بە کاردەھێندرێت.
قەبارەی شاشەکەش بە کراوەیی ٥.٤ ملم و بە داخراویش ١١ ملم و لە ھەردووی بارەکەشدا لە سەرجەم موبایلەکانی تر تەنکترە.
ئەمەش لە دوای ئەوە ھات سێ ڕۆژ لەمەوپێش، کۆمپانیای سامسۆنگ یەکەمین مۆبایلی چەماوەیی خۆی و دووەمین مۆبایلی چەماوەیی لە جیھاندا بە ناوی "گالەکسی فۆڵد"ەوە نمایشکرد.
مۆبایلە چەماوەکەی سامسۆنگ پشتگیری لە نەوەی پێنجەمی پەیوەندی ٥G دەکات و دەتوانرێت لە یەک کاتدا سێ بەرنامە بەکاربھێندرێن.
ڕوونمای مۆبایلە چەماوەییەکە ٧.٣ ئینجە و لە کاتی نوشتانەوەدا دەبێتە ٤.٦ ئینج، پرۆسیسەری Snapdragon ٨٥٥ لەسەرە و ڕامی مۆبایلەکە ١٢ گێگابایتە و بیرگەیەکی ٥١٢ گێگابایتی لەسەرە.