ڤیدیۆی کەوتنە خوارەوەی ئۆتۆمبێلێك بەڕاددەیەکی زۆر بەتۆڕە کۆمەڵایەتییەکاندا بڵاوبووەتەوە کە لەسەر پردی "٦ی ئۆکتۆبەر"ەوە دەکەوێتە سەر شەقامی جەلا لە قاهیرە.
لە ڤیدیۆکەدا ساتی کەوتنە خوارەوەی ئۆتۆمبێلەکە دەردەکەوێت لەو کاتەی کۆمەڵێك پیادە هەن لەسەر شەقامەکەن و لە نێوانیاندا پیاوێك هەیە کە خواردن دەخوات، لەناکاو هەموویان سەیری پردەکە دەکەن کە لە سەروویانەوەیە و شۆكدەبن بە بینینی ئۆتۆمبێلێکی سپی کە لە سەرەوە دەکەوێتە خوارەوە.
بەگوێرەی تۆڕی هەواڵی "سکای نیوز" ئاماژە بەوەکراوە، ئەو ڤیدیۆیە لەلایەن کامێرای چاودێری یەکێك لە دوکانەکانی سەر شەقامەکەوە تۆمارکراوە، پۆلیسی هاتوچۆی قاهیرە ئاماژەی بەوەکردوە کە شۆفێرەکە تووشی برین و کوتراوی بووە، جگە لەو هیچ کەسێك بریندار نەبووە و ئەو کەسانەی کە لەسەر شەقامەکە بوون توانیویانە خۆیان رزگار بکەن و نەکەونە ژێر ئۆتۆمبێلەکەوە.