لە شارۆچکەیەکی بەریتانیا دوای ئەوەی ئۆتۆمبێلێک لەبەردەم دەرگای کێڵگەیەک پارک کراوە، خاوەنی کێڵگەکە توڕە دەبێت و بە شۆفڵە بچوکەکەی ئۆتۆمبێلەکە دووردەخاتەوە و زیانێکی زۆری پێدەگەیەنێت.
وەک لە ڤیدیۆکەدا دەردەکەوێت خاوەنی ئۆتۆمبێلەکە هەوڵدەدات جوتیارەکە بوەستێنێت بەڵام سودى نابێت و تەنانەت خۆیشی بریندار دەبێت.
هاوکات، شۆفێرەکە بە مۆبایل وێنەی رووداوەکە دەگرێت، وەک ئەوەی بەڵگە لەسەر رووداوەکە کۆبکاتەوە و بیدات بە لایەنی پەیوەندیدار.
ڤیدیۆکە لەتۆڕە کۆمەڵایەتییەکاندا دەنگدانەوەیەکی زۆری هەبووە و هەندێک پشتگیری لەخاوەنی کێڵگەکە دەکەن، کە پێدەچێت ئەوانەبن کە پێیان ناخۆشە ئۆتۆمبێل لەبەردەم ماڵ و شوێنی کارەکانیان رابگرن، هەندێکی دیکەش هاوخەمی بۆ شۆفێری ئۆتۆمبێلەکە دەردەبڕن.