پیاوێکی نابینای چینی توانی بە سەرکەوتوویی بەسەر لوتکەی چیای ئەڤەریستدا سەربکەوێت.
ژانگ هۆنگ تەمەنى ٤٦ ساڵە و خەڵک وڵاتى چینە، ئەو وەک یەکەم هاوڵاتی نابینای چینی لە جیهاندا رۆژى ٢٤ ی ئەم مانگە توانی بە سەرکەوتوویی بەسەر بەرزترین لوتکەی جیهاندا سەرکەوێت کە لوتکەى ئەڤەرێستە لە زنجیرە چیاکانی هیمالایایە.
ئەو پیاوە بە ئاژانسى رۆیتەرزی راگەیاندووە، گرنگ نییە کە ئەو کەسێکى ئاسایی نیە و بینایی لەدەستداوە، بەڵکو ئەگەر مرۆڤ بیرکردنەوەیەکی گونجاوی هەبێت هەمیشە دەتوانیت شتێک تەواو بکەیت کە کەسانی تر ناتوانن ئەنجامی بدەن.