بەڕێوەبەری گەشتو گوزاری سلێمانی لەلێدوانێکیدا بۆ ئێن ئاڕتی رایگەیاند، "نزیکەی ٧٠ ھەزار گەشتیارە %٩٠ی لە ناوەڕاست و خوارووی عێراقەوە ھاتوون".
ئەمڕۆ شەممە، عەلی رەووف بەڕێوبەری گەشتو گوزاری سلێمانی لە لێدوانێکدا بۆ ئێن ئاڕتی رایگەیاند، "نزیکەی ٧٠ ھەزار گەشتیار کە %٩٠ی لە ناوەڕاست و خوارووی عێراقن بۆ سلێمانی هاتوون".
بەپێی زانیاریەکانی ئێن ئاڕتی، نزیکەی ٥٠ ھەزار لەو گەشتیارانە پێش دوو رۆژ پێش جەژن ھاتونەتە شاری سلێمانی.
بەوتەی عەلی رەووف، " ھاتنی گەشتیار لە بازگەکان لەچوارچێوەی ڕێنماییە تەندروستییەکان جێبەجێ دەکرێت".
بەڕێوەبەری گەشتوگوزاری سلێمانی ئەوەشیخستەڕوو، بەھۆی ھاتنی ئەو گەشتیارانە ئۆتێڵ و مۆتێلەکانی شاری سلێمانی پڕبوونەتەوە و شوێنی تر نەماوە بۆ وەرگرتنی گەشتیاری تر.