کالسیۆم یەکێکە لە کانزا گرنگەکان بوونی لە جەستەدا پێویستە و ئێسک و ماسولکەکان بە تەندروستیی دەهێڵێتەوە، لەهەمان کاتدا فشاری خوێن لە جەستەدا ڕادەگرێت.
ماڵپەڕی برایتساید لە بابەتێکی تەندروستیدا ئاماژەی بە کۆمەڵێک نیشانەی کەمبوونەوەی کالسیۆم کردووە لە جەستەدا، لەوانەش:
وشکبوونەوەی پێست و دروستبوونی گرفت لە پێستدا وەک ئەکزیما
هەستکردن بە خەواڵووی و ماندوبوون بەبێ هۆکار
فشاری دەروونی و خەمۆکی و دڵەڕاوکێ
گرفتەکانی خەو وەک خەوزران و کەمخەوی
سڕبوون و ساردبوونی پەلەکان
زوو توشبون بە پەتا و ڤایرۆسەکان و لاوازبوونی سیستمی بەرگری لەش
لاوازبوونی نینۆکەکان و زوو شکاندنیان
ناڕەحەتی لە قوتدانی خۆراک.
ئازاری ددان و دروستبوونی گرفت لە پوک و ددانەکان
دروستبوونی ئازار لە ماسولکە و ئێسکەکان و لاوازبوونیان
دەتوانرێت جگە لە دەرمان لە ڕێگەی خۆراکەکانەوە کالسیۆم بۆ جەستە دابین بکرێت، ئەو خواردنانەی دەوڵەمەندن بە کالسیۆم بریتین لە: برۆکلی و ماست و ماسی سەلەمۆن و سەردین و تونە و شیر و پەنیر لەگەڵ گونجی و بادەم.
ئ.ل