ئەمڕۆ دووشەممە، نرخی بەرمیلێک نەوتی خاوی برێنت لە بازاڕەکانی جيهاندا بە ٧٣ دۆلار و ٧٢ سەنت مامەڵەی پێوەدەکرێت و بەراورد بە دوێنێ ٢١ سەنت نرخەکەی بەرزبووەتەوە.
هاوکات، نرخى بەرمیلێک نەوتى خاوی ئەمریکیش بە ٧١ دۆلار و ٩٤سەنت مامەڵەى پێوەدەکرێت.
لە ماوەی رابردوودا، نرخی نەوت بۆ سەروو ٧٠ دۆلار بەرزبووەوە، دوای ئەوەی لە ساڵی رابردووەوە بەهۆی بڵاوبوونەوەی ڤایرۆسی کۆرۆنا و لەکارکەوتنی کارگە گەورەکانی جیهان و راگرتنی جموجوڵی ئامێر و ئۆتۆمبێلەکان، نرخی نەوت بۆ نزمترین ئاستی لە مێژوویدا دابەزی بوو.