چاوگێک لە وه‌زاره‌تی دارایی هه‌رێمی كوردستان بە ئێن ئاڕ تی راگه‌یاند، ئەمڕۆ چوارشەممە و سبەی پێنجشەممە موچەی وەزارەتى شەهيدان و ئەنفالکراوان دابەشدەکرێت.
چاوگەکە ئەوەشی خستووەتەڕوو، هەر سبەی پێنجشەمە موچەی زیندانیانی سیاس دابەشدەکرێت.
ئەوەش لە کاتێکدایە، تا ئێستا تەنها موچەی وەزارەتی تەندروستی و دارایی و ناوخۆ و پێشمەرگە دابەشکراوە و لێبڕینی ٢١٪ی موچەش بەردەوامە.
حکومەتی هەرێمی کوردستان بڕیاریدابوو هەموو ٢٥ی مانگێک موچە دابەشبکات، بەڵام لەم مانگەدا دابەشکردنی موچە دواکەوت، لەسەر ئەوەش پەرلەمانتارانی یەکێتی و پارتی بە نەگەڕاندنەوەی داھات و درەنگ دابەشکردنی موچە یەکتریان تۆمەتبارکرد.
هێرش قادر، هەولێر