وەزارەتی دارایی و ئابوری حکومەتی هەرێم رایگەیاند، هەندێک راگەیاندن هەواڵیان بڵاوکردووەتەوە گوایە لیستی موچە بە لێبڕینەوە داواکراوە، ئەوە ئەنجومەنی وەزیران بڕیاری لێوەدەدات.
ئەمڕۆ سێشەممە، وەزارەتی دارایی و ئابوری حکومەتی هەرێم لەراگەیەندراوێکدا باسی لەوەکرد، ھە‌ندێك لە كە‌ناڵە‌كانی راگەیاندن ھە‌واڵێكیان بڵاوكردووەتە‌‌وە لەبارەی ئەوەی؛ وەزارەتی دارایی و ئابوری داوای كردووە گە‌نجینە‌كان لیستی دابە‌ش كردنی موچە‌ی موچە‌خۆرانی ھە‌رێمی كوردستان ئامادە بكە‌ن بە تە‌مویلكردنی ٧٩٪ی موچە یاخود لێبڕینی ٢١٪.
وەزارەتی دارایی و ئابوری لەراگەیەندراوەکەیدا باسی لەوەکردووە، ئە‌و بابە‌تە ئەنجومەنی وە‌زیرانی ھە‌رێم بڕیاری لێدە‌دات كە چە‌ندی موچە تە‌مویل دە‌كرێت لە‌سە‌ر بنە‌مای داھاتی نە‌وتی و نا نە‌وتی و دواتر وەزارەتی دارایی بڕیارە‌كە جێبە‌جێی دە‌كات.
لەراگەیەندراوەکەشدا هاتووە کە، بە‌ھیچ شێوە‌یە‌ك ئە‌م بڕیارە تایبە‌ت نییە تە‌نھا بە وەزارەتی دارایی و ئابوری بە‌ڵكو پە‌یوە‌ستە بە‌ھە‌موو ئەنجومەنی وە‌زیرانە‌وە.