بە گوێرەی ئامۆژگارییەکانی دامەزراوەی حەمادی پزیشکی لە قەتەر بڵاویکردەوە، ئامۆژگاری کەسانی کەم خوێن دەکرێت خوارنی دەوڵەمەند بە ئاسن بخۆن کە لەسەرچاوە رووەکیەکان و گیاندارەکاندا هەیە.

سەرچاوە رووەکیەکانی وەکو پاقلە و فاسۆلیا و نیسک و سەوزە گەڵادارەکان و سەرچاوە گیاندەریەکانی وەکو گۆشتی سور و سپی و ماسی بڕێک ئاسن لەخۆدەگرن.

هاوکات، کەمخوێنەکان پێویستە بڕە ئاوێکی زۆر لە شەودا بخۆنەوە بۆ ئەوەی دوچاری وشکبونەوە نەبن و لەناو خواردنەکانیاندا پرتەقاڵ و لیمۆ و تەماتە بخۆن کە ڤیتامین سی- یان تێدایە و بەرگری لەش بەرزدەکەنەوە.

هەر بەگوێرەی رێنماییەکان، پێویستە کەسە کەمخوێنەکان چا و قاوە کەمتر بخۆنەوە، چونکە رێگری لە هەڵمژینی ئاسن دەکەن لە ریخۆڵەکاندا.

هاوکات، پێویستە ماست و پەنیر و شیر لەگەڵ خواردنی دەوڵەمەند بە ئاسن نە خورێن، چونکە دەوڵەمەندن بە کالسیۆم کاری جەستە بۆ وەرگرتنی ئاسن قورس دەکەن.

پزیشکان ئامۆژگاری کەسانی کەمخوێن دەکەن، پشووی تەواوەتی لەو مانگەدا وەرگرن و ئاگاداری بەرنامە خۆراکیەکانیان بن.

کەمخوێنی حاڵەتێکی دابەزینی ئاستی ئاسایی خرۆکەسورەکانە لەخوێندا و رێگری لە خانەکانی جەستەدەکات تا ئۆکسجینی پێویست وەرگرن،  لە نیشانە دیارەکانی کەمخوێنی، زەردبوونی دەموچاو، ماندویەتی و هەستکردن بەلاوازی و هەناسەتەنگی و دڵەکوتێ.