وەزارەتی تەندروستی ئیسرائیل لەراگەیەندراوێکدا ئاماژەی بەوەدا، وڵاتانی کەنداو و ئیمارات لەئێستادا زۆرترین رێژەی توشبوون بە ڤایرۆسی کۆرۆنای تێدایە و هۆشداری بە هاوڵاتیانیشی دەدات کەسەردانی ئیمارات نەکەن.

هەریەکە لە ئیمارات، تونس، ئۆگەندا، ئۆرۆگوای، سیشیل، ئەسیوبیا، پۆلیڤیا، ماڵدیف، نامیبیا، نیپاڵ، پاراگوای، چیلی، کۆڵمبیا و کۆستەریکا لە ریزبەندی زۆرترین رێژەی توشبوون بە کۆرۆنای تێداتۆمارکراوە و ئیسرائیل هۆشداری بەهاوڵاتیانی وڵاتەکەی لەسەردانیکردنیان داوە، هاوکات، ئەرجەنتین، بەڕازیل، ئەفریقای باشوور، هدنستان، مەکسیک و روسیا لەریزبەندی ئەو وڵاتانەدان کە ئیسرائیل بڕیاری قەدەغەی سەردانیکردنی هاوڵاتیانی وڵاتەکەی دەرکردووە.

ئەمە لەکاتێکدا ساڵی رابردوو ئیمارات وەک یەکەم وڵاتی عەرەبی رێککەوتننامەی ئاشتی لەگەڵ ئیسرائیل واژۆکرد و بەمەش پەیوەندییەکانی نێوان ئەو دوو وڵاتە ئاسایی بوویەوە و چووە قۆناغێکی نوێوە.

لەدوای سەرهەڵدانی ڤایرۆسی کۆرۆنا لەکۆتایی ساڵی ٢٠١٩دا، تا ئێستا ٨٣٩ هەزار و ٧٢٠ کەس لە ئیسرائیل توشی ڤایرۆسی کۆرۆنابوون، شەش هەزار و ٤٢٨ کەسیش بەهۆی ڤایرۆسەکەوە گیانیان لەدەستداوە، هاوکات ٩.٣ ملیۆن ژەمی ڤاکسین کۆرۆناش بەسەر هاوڵاتیاندا دابەشکراوە و رێژەی ٥٥٪ی دانیشتوانی ئیسرائیلیش ڤاکسینی کۆرۆنایان وەرگرتووە.

ن، غ

ک، ئ