سەرۆکی پێشووی ئەمریکا بە سەرۆکی ئێستای ئەمریکا دەڵێت، لەکاتی کۆبوونەوەت لەگەڵ سەرۆکی روسیادا "خەوت لێنەکەوێت و راستگۆیانەترین داواکارییەکانتی پێ بگەیەن."
دۆناڵد ترەمپ سەرۆکی پێشووی ئەمریکا رایگەیاند، "هیوای بەختێکی باش بۆ جۆ بایدن دەخوازم؛ بایدن لە کاتی کۆبوونەوەکەدا خەوت لێنەکەوێت و راستگۆیانەترین داواکارییەکانت بە پوتین رابگەیەنە."
بڕیارە جۆ بایدن سەرۆکی ئەمریکا لە ١٦ی حوزەیراندا لەگەڵ ڤلادمێر پوتین سەرۆکی روسیا کۆببێتەوە.
دۆناڵد ترەمپ لە راگەیەنراوێکدا و ئەوەی بەبیرهێناوەتەوە، کە لە قۆناغی سەرۆکایەتی خۆیدا لەگەڵ پوتین لە شاری هێلسنکی فینلەندا کۆبوونەوەیەکی "زۆر بەرهەمداریان" ئەنجامداوە و نووسیویەتی، "بەپێچەوانەی ئەوەی راگەیاندنە درۆزنەکان دەربارەی کۆبوونەوەکە بڵاویان کردبووەوە، ئەمریکا لەو کۆبوونەوەیەدا رێزی پوتین و روسیا و زۆر شتی دیکەی بەدەستهێنا."
ترەمپ ئەوەشی خستووەتەڕوو، کە ئەو توانیویەتی پەیوەندییەکی باش لەگەڵ روسیا و پوتین دروستبکات.
ئەمەش لەکاتێکدایە، لە ٢٠ی کانوونی دووەمی ئەمساڵدا، لە ئەمریکادا دەستاودەستی دەسەڵات کرا، کە جۆ بایدن لە بری دۆناڵد ترەمپ سوێندی یاسایی خوارد و وەکو ٤٦ەمین سەرۆکی ئەمریکا دەستبەکاربوو.