داواکاری گشتیی دادگای باڵای تورکیا، رایگەیاند: دۆسیەی داخستنی هەدەپە-یان ئامادە کردووە و پێشکەشی دادگای دەستوورییان کردووەو لەماوەی ١٥ رۆژدا بڕیاری لێدەدەن.
بەکر شاهین داواکاری گشتیی دادگای باڵای تورکیا، لەکۆنگرەیەکی رۆژنامەنووسیدا لە بارەی دۆسیەی داخستنی هەدەپە، رایگەیاند "دۆسیەی سکاڵانامەکەمان ئامادەکردووە و خستوومانەتە بەردەست دادگای دەستووریی. لەئێستاشدا دادگای دەستووریی ماوەی ١٥ رۆژی هەیە بۆ ئەوەی خوێندنەوە بۆ دۆسیەکە بکات".
شاهین ئەوەشیخستەڕوو: "ئێمە هەرچییەکمان لە توانادابووبێت کردومانە. سەرجەم بڕیار، دۆسیە و لێدوانەکانی بەرپرسانی هەدەپە-مان وەک بەڵگە خستووەتە ناو دۆسیەکەوە کە ٨٤٣ لاپەڕەیە. تیایدا داوا کراوە قەدەغەی کاری سیاسیی بخرێتە سەر ٤٥١ کەس و رێوشوێنی پێویستیش لە بەرامبەر هەژمارە بانکییەکانی هەدەپە بگیردرێتەبەر".
واش بڕیارە دادگای دەستووریی لە ماوەی ١٥ رۆژدا، خوێندنەوە بۆ دۆسیەکە بکات و بڕیار لەسەر پەسەندکردن یان پەسەندنەکردنی بدات.
پارتی دیموکراتی گەلان (HDP) پارتێکی سیاسییە لە تورکیا، لە ١٥ی تشرینی یەکەمی ٢٠١٢ لە لایەن چەند کوردێکی چەپڕەو دامەزراوە و سێ لە کەسە دیارەکانی ئەو پارتە پێشتر لە پارتی ئاشتی و دیموکراسی (بەدەپە).
جگە لە سەلاحەددین دەمیرتاش ھاوسەرۆکی پێشووی، سەدان سەرکردەو کادرو چالاکوانی ھەدەپە لەزیندانەکانی تورکیادان.