لە ئەنجامی روداوێکی هاتووچۆدا لە یۆنان، پاسێکی بچووکی کۆچبەرانی هەرێمی کوردستان شەش کەس بریندار بوون و دوو کەسیش گیانیان لەدەستدا.
بەپێی هەواڵێکی ماڵپەڕی (abc) ئەمریکی پاسەکە کۆچبەرەکانی لە باکوری یۆنان بۆ سنوور گواستووتەوە و بەنیازبوون بچنە ناو شاری ساڵۆنیک، کاتژمێر ٦:٣٠ سەر لەبەیانی لەسەر رێگای شارۆچکەی کاڤالا تووشی رووداوی هاتووچۆ بوون.
بریندارەکان ئەوانەشی گیانیان لەدەستداوە کوردن و خەڵکی هەرێمی کوردستانن.
بریندارەکان بۆ نەخۆشخانە گوازراونەتەوە و چارەسەر وەردەگرن، هاوکات، پۆلیسیش دەستی بە لێکۆڵینەوەکانی کردووە.
بەوتەی پۆلیسی یۆنان رووداوەکە لەئەنجامی تیژڕەوی بووەو ئۆتۆمبیلی کۆچبەرەکان لەگەڵ ئۆتۆمبیلێکی دیکەدا بەیەکیان داداوە.