میدیا جیهانیەکان بڵاویانکردەوە، ئۆتۆمبێلێکی ئاگرکوژێنەوە لە ئەمریکا لەکاتی چوونی بۆ کۆنترۆڵکردنی ئاگر سەری لێدەشوێت و خۆیدەکێشێت بە باڵەخانەیەک و ئۆتۆمبیلێکی تایبەتدا.
ئاماژەیان بەوەشداوە، ئۆتۆمبێلی ئاگرکوژێنەوەکە بەشێکی زۆری باڵەخانەکەی رووخاندووە، دواتریش تیمی ئاگرکوژێنەوە خەریکی رزگارکردنی ئەو کەسانە بوون کە لەناوەوە گیریان خواردبوو.
راشگەیاندراوە، بەهۆی رووداوەکەوە چوار کەس لە تیمی ئاگرکوژێنەوە و هاوڵاتی مەدەنی برینداربوون.
ئەوەش خراوەتەڕوو، ئاگرکوژێنەوەکە بەتەواوەتی چووەتە ناو باڵەخانەکەوە و زیانێکی زۆری بە ئۆتۆمبێلە تایبەتەکە گەیاندووە و بەشی پێشەوەی تێکشکاندووە.