وڵاتی چین کەشتی ئاسمانی لە جۆری "Tiencou-2" ی بەسەرکەوتوویی لە خولگەکەیدا جێگیرکرد.
فەرمانگەی بۆشایی ئاسمانی چین ئەوەی ئاشکراکرد، کەشتییە ئاسمانییەکە لە ناوەندی ونچانگ لە ویلایەتی هاینان رەوانەی بۆشایی ئاسمان کراوە و دوای هەشت کاتژمێر بەسەرکەوتوویی لە خولگەکەیدا جێگیرکراوە.
چین پلانی وایە ١١ کەشتی ئاسمانی دیکە تا کۆتایی ساڵی ٢٠٢٢ رەوانەی بۆشایی ئاسمان بکات.
کێشی کەشتییە ئاسمانییەکە خۆی ١٣،٥ تۆن بووە و توانای گواستنەوەی ٦،٨ تۆن باری هەبووە.
باس لەوەش دەکرێت کە کەشتی ئاسمانی "Tiencou-2" سودێکی زۆر بەلێکۆڵینەوەکانی بۆشایی ئاسمانی چین دەکات.