دەسەڵاتدارانی وڵاتی نەیجەر رایانگەیاند، بەهۆی نقومبوونی بەلەمێکی کۆنەوە زیاتر لە ١٥٠ کەس گیانیانلەدەستدا.
یوسف بیرما بەرپرسی رێگا ئاوییەکانی نەیجەر رایگەیاند، بەلەمەکە نقومبووە و بەهۆیەوە زیاتر له ١٥٠ کەس گیانیانلەدەستداوە.
راشیگەیاند، هۆکارەکی ئەوەبووە توانای هەڵگرتنی بەلەمەکە زۆر لەوە کەمتر بووە کە بۆی دیاری کراوە.
ئاماژەی بەوەشدا، بەلەمەکە١٨٠ کەسی هەڵگرتبوو لەو ژمارەیەش تەنها ٣٠ کەسی تر رزگاریان بوو.
ئەمە لەکاتێکدایە، بەگوێرەی ئامارەکان، هەر ئەمساڵ ٥٠٠ کۆچبەر لە دەریای سپی گیانیانلەدەستداوە. هاوکات، مانگی رابردووش ئیتاڵیا حکومەتی لیبیای تۆمەتبارکرد بە پشتگوێ خستن و بەهاناوەنەچوونی پەنابەران لە کەناراوەکانیدا، چونکە ئاستی ئاو نزیکەی شەش مەتر بەرزبوەتەوە.