لە ئەمریکادا و لەماوەی دوو رۆژدا بەهۆی رووداوی شەڕەتەقەوە ١٢ کەس کوژران و زیاتر لە ٥٠ کەسی دیکەش بریندار بوون.
بەگوێرەی میدیاکانی ئەمریکا، ئەو رووداوانە لە پێنج ویلایەتی ئەمریکا روویانداوە کە بریتین لە ویلایەتەکانی نیوجیرسی و کارولانیای باشوور و جۆرجیا و ئۆهایۆ و مینتیسۆتا.
شەوی شەممە، لە ویلایەتی نیوجێرسی و لە ئەنجامی گربونەوەی سازدانی ئاهەنگێک بە هۆی رووداوی تەقەکردنەوە دوو کەس کوژران و ١٢ کەسی دیکەش برینداربوون.
هاوکات، لە ویلایەتی کارۆلانیای باشور، بە رووداوی تەقەکردن کچێکی تەمەن ١٤ ساڵ کوژرا و ١٤ کەسی دیکەش برینداربوون.
لە ویلایەتی جۆرجیاش، پۆلیس تەرمی ٣ کەسی دۆزییەوە کە شوێنەواری گوللەیان پێوەبووە .
لەلایەکی دیکەوە، لە ویلایەتی ئۆهایۆش، چوار کەس بە رووداوی تەقەکردن گیانیان لەدەستدا کە لە نێویاندا کچێکی تەمەن ١٦ ساڵ هەبووە و ٧ کەسی دیکەش بریندار بوون.
بەڵام لە ویلایەتی مینیسۆتا، لە روداوێکی تەقەکردندا کەسێک کوژرا و ٨ کەسی دیکەش بریندار بوون.
ئەم رووداوانە لەکاتێکدایە پێشتر جۆبایدن سەرۆکی ئەمریکا رایگەیاند، رووداوی تەقەکردن و بەکارهێنانی چەک بوە بە دەر و بەڵا بەسەر وڵاتەکەیان.