کۆمپانیای فەیسبوک لە پەیوەندی بەردەوامدایە لەگەڵ بەرپرسانی ئیسرائیلی و فەڵەستینی لەبارەی دانانی سنورێک بۆ بڵاوکردنەوەی وتاری رقلێبونەوە لەیەکتر لەسەر رووی پەڕە و هەژمارەکانی ئەو تۆڕە کۆمەڵایەتییە.
ماڵپەڕی پۆڵەتیکۆی ئەمریکی بڵاویکردەوە، هەندێک لەبەرپرسە باڵاکانی وەک نیک کلیگ و گۆێڵ کاپلان لەلایەن گروپی فشاری فەیسبوکەوە پەیونەدیان پێوەکردووە بۆ گفتوگۆکردن لەبارەی بڵاوکردنەوەی زانیاری هەڵە و هەڕەشەی توند لە رێگەی تۆڕی کۆمەڵایەتی فەیسبوکەوە.
هاوکات، بۆ هەمان مەبەست لە رێگەی تیکۆتکەوە و بە ڤیدیۆ پەیوەندی کراوە بە بینی غانتس وەزیری بەرگری ئیسرائیل.
بەگوێرەی هەواڵ و زانیارییەکانی فەیسبوک خۆی هەفتەی داهاتوو نیک کلیگ و گۆێڵ کاپلان چاویان بە بەرپرسانی فەلەستینی دەکەوێت.
لەکاتێکدا پەیج و ئەکاونتەکانی فەیسبووک پڕکراون بە گوتار و ئەو پۆستانەی رق و هاندان بۆ توندوتیژی، ئاندی ستون وتەبێژی فەیسبوک رایگەیاند، "وەک رێگرییەک لە بڵاوکردنەوەی توندوتیژی، کاردەکەین بۆ دڵنیابوون لەسەر ئەوەی خزمەتگوزارییەکانمان هیچ توندوتیژییەک بۆ کۆمەڵگەکانمان بڵاو نەکاتەوە".
ئەوەشی خستەڕوو، ماڵپەڕ و کۆمپانیای فەیسبوک کاردەکەن لەسەر "سڕینەوەی ناوەرۆک"ی هەر بڵاوکراوەیەک سنوری سیاسەتی بڵاوکردنەوەکانیان تێپەڕێنێت.