ئاژانسى هەواڵى شینخواى چینی بڵاویکردەوە لە شارى ووهان و چیانگسۆی ئەو وڵاتە بەهۆی زریانێکی بەهێزەوە حەوت کەس گیانیان لەدەستداوە و ٢١٨ کەسی دیکە برینداربوون.
ئەمڕۆ شەممە، ئاژانسى هەواڵى رۆیتەرز بڵاویکردەوە، بەهۆى زریانەکەوە ٢٧ خانو بە تەواوى رووخاون و زیان بەر ١٣٠ باڵەخانەش کەوتووە.
شارى ووهان دەکەوێتە هەرێمى هوبى لە رۆژهەڵاتى چین، لە کۆتایی کانونی دووەمی ٢٠٢٠ بۆیەکەمجار پەتای کۆرۆنا لەو شارە سەری هەڵداو و بڵاوبووەوە و بەو هۆیەشەوە بەتەواوی شارەکە کەرەنتینەکرا و بەڕووی دەرەوەدا داخرا، دواتریش لەماوەی کەمتر لە سێ مانگدا پەتاکە بە جیهاندا بڵاوبووەوە، بەمەش شارەکە بە سەرچاوەى بڵاوبونەوەى ڤایرۆسى کۆرۆنا لە جیهاندا دادەنرێت.