وەزارەتی نەوتی عێراق ئاماری بڕی فرۆشراوی نەوت و داهاتی مانگی رابردووی بڵاوکردەوە و دەڵێت، بڕی داهاتی نەوت نزیکەی شەش ملیار دۆلار بووە.
بەگوێرەی ئامارەکانی وەزارەتی نەوتی عێراق، ھەناردەی نەوتی خاو لە تەواوی کێڵگەکانی وڵاتدا بۆ مانگی ئایار گەیشتووەتە ٨٩ ملیۆن و ٨٨١ ھەزار و ٢٦٨ بەرمیل نەوت، بە داھاتی پێنج ملیار و ٩١٧ ھەزار و ٩٣٢ دۆلار.
ئەوەشی خستووەتەڕوو، مانگی ئایاری ئەمساڵ لە کێڵگە نەوتییەکانی کەرکوکەوە سێ ملیۆن و ٦٠ ھەزار و ٩١٣ بەرمیل نەوت ھەناردەی بەندەری جەیھان کراوە لە تورکیا.
بەگوێرەی وەزارەتی نەوتی عێراق، نەوتی خاوی لەو مانگەدا ھەر بەرمیلێکی بە ٦٥.٨٤٢ دۆلار مامەڵەی پێوەکراوە.