ئەرشیف
فۆتۆ:
2021-05-30
5945 جار خوێندراوەتەوە
کۆمسیۆنی باڵای سەربەخۆی هەڵبژاردنەکانی عێراق رایگەیاند، ئامادەکارییان کردووە لە مانگی شەشدا بانگەشەی هەڵبژاردنەکان دەستپێبکات و بۆ ماوەی سێ مانگ بەردەوام بێت.
چاوگێک لە کۆمسیۆنی باڵای سەربەخۆی هەڵبژاردنەکانی عێراق بە میدیا ناوخۆییەکانی راگەیاندووە، "هەوڵدەدەن لەماوەی ٢٤ کاتژمێردا دەرئەنجامی یەکەمی هەڵبژاردنەکان رابگەیەنن".
چاوگەکە ئاماژەی بەوەشدا، ئەگەر دەرئەنجامی ژماردن و جیاکردنەوەی دەنگەکان بە دەستی و ئەلیکترۆنی بە رێژەی لەسەدا پێنج جیاوازییان هەبوو، ئەوە لە هەمان بنکە جارێکی دیکە بە دەستی دەنگەکان هەژمار دەکرێتەوە.
بڕیارە مانگی ١٠ی ئەمساڵ هەڵبژاردنی پێشوەختەی پەرلەمانی عێراق بەڕێوەبچێت و کۆمسیۆنیش رایگەیاندووە، هەموو ئامادەکارییەکیان کردووە بۆ ئەوەی پرۆسەکە بە شێوەیەکی تەندروست لەکاتی دیاریکراوی خۆیدا بەڕێوەبچێت.
