موقتەدا سەدر، رێبەری رەوتی سەدر لەتویتێکدا داوای لە خۆپیشاندەران کرد، بۆ پشتگیرکردن لە گەلی فەلەستین خۆپیشاندانێکی ملیۆنی لە سەرجەم پارێزگاکان رێکبخەن، هاوکات، رەتیشیکردەوە رێکەوتن لەگەڵ ئیسرائیلدا بکرێت.
ئاماژەی بەوەشداوە، ''دوای هەڵگرتنی قەدەغەی هاتوچۆ لە عێراقی خۆشەویست، بەپێویستی دەزانم خۆپیشاندانێکی توند بۆ پشتگیری لە گەلی فەلەستین رێکبخەین و ئەمڕۆ لەسەرجەم پارێزگاکان و لەبەغداش لە گۆڕەپانی تەحریر خۆپیشاندان بکرێت.''
هاوکات، داواشی لە خۆپیشاندەران کردووە، ئاڵای ئەمریکا و ئیسرائیل بسوتێنن و ئیدانەی داگیرکردنی خاکی فەڵەستین دەکات.
ئەوەشی خستوەتەڕوو، پێویستە چیتر لەگەڵ ئیسرائیلدا رێکەوتن نەکرێت و بەغداش پەیوەندیەکانی لەگەڵ ئیسرائیلدا ئاسایی نەکاتەوە.
هاوکات، سوپاسی هەموو ئەو وڵاتانەشی کرد کە خۆپیشاندانیان بۆ پشتگیری گەلی فەلەستین ئەنجامداوە.