سێ منداڵ بەهۆى جێهێشتنیان لە ئۆتۆمبێڵێکى داخراودا لە بەغدا گیانیان لەدەستدا.
میدیا عێراقیەکان بڵاویانکردەوە، لە ناوچەی بەلەدیات لە خۆرئاوای بەغدا ئەو منداڵانە بەهۆی ئەوەی خێزانەکەیان لەناو ئۆتۆمبیلەکەیاندا بەجێیانهێشتون، لە ئەنجامی نەمانی ئۆکسجین و بەرزبوونەوەی پلەکانی گەرما گیانیان لەدەستداوە.
باس لەوەشکراوە، ئەو سێ منداڵانە دووانیان کوڕن و یەکێکیشیان کچە و تەمەنیان لە سێ ساڵ تێپەڕ ناکات.
جیاواز لە وەرزى گەرما، شارەزایانی بواری تەندروستی هۆشداریدەدەن، بەجێهێشتنی منداڵ لەنێو ئۆتۆمبێل بەو جۆرە دەبێتە هۆی کەمبوونی ئۆکسجین و دواتر مەترسی لەسەر ژیانیان دروست دەبێت.