له‌چه‌ند گوندێكى شارەزوور به‌شێوه‌ى خۆرسكانه‌ ساڵانه‌  به‌شێك له‌ رووبەرى زه‌وییه‌كان نێرگزى تێدا سه‌وز ده‌بێت‌.

حاجى نامیق ته‌مه‌ن ٥٠ ساڵ ئه‌وه‌ ڕوونده‌كاته‌وه‌ به‌بیره‌وه‌رى باو و باپیرانى گوڵى نێرگز له‌گونده‌كه‌یاندا سه‌ره‌تاى هه‌موو وه‌رزێكى به‌هار سه‌وزبووه‌ و نزیكه‌ى مانگێك زیاتر ده‌مێنێته‌وه  و ئەمساڵیش زۆر بووە.

گوڵى نێرگز وا هه‌ڵكه‌وتووه‌ ته‌نها خۆى له‌خاكدا سه‌وزده‌بێت‌ و رێگه‌ به‌هیچ گوڵ‌ و گیا و دڕک و دره‌ختێكى تر نادات كه‌ له‌ده‌وروبه‌ریدا سه‌وز ببێت، هه‌روه‌ها ڕه‌گه‌كه‌ى له‌شێوه‌ى سه‌لكى پیازدایه‌ و ده‌توانرێت له‌شوێنى تریش بنێژرێت‌ و سه‌وز ببێت.

‌محه‌مه‌دی ته‌مه‌ن ١٦ ساڵ، نزیكه‌ى مانگێكه‌ له‌سه‌ر‌ رێگاى سلێمانى- ده‌ربه‌ندیخان، له‌گه‌ڵ چه‌ند هاوته‌مه‌نێكى خۆیدا هه‌ریه‌كه‌یان چه‌ند چه‌پكه‌ نێرگزێكیان پێیه‌ و ئه‌و گوڵه‌ نێرگزانه‌ ده‌فرۆشنه‌ و ئه‌و پاره‌یه‌ى كه‌ده‌ستیان ده‌كه‌وێت پێداویستییه‌كانى قوتابخانه‌ و خۆیانى پێ پڕده‌كه‌نه‌وه‌ و بووەته‌ سه‌رچاوه‌ى بژێوى خێزانه‌كانیشیان.

نێرگز جگه‌ له‌وه‌ى هاوڵاتیان بۆ جوانى‌ و بۆنخۆشییه‌كه‌ى سودى لێوه‌رده‌گرن ده‌توانرێت وه‌ك بۆن سودى لێوه‌ربگیرێت ‌و له‌ئێستاشدا چه‌ند جۆرێكى جیاوازى بۆنى نێرگز له‌بازاره‌كانى هه‌رێمى كوردستاندا هه‌یه‌.

ئ.ر