دەستەی ئاماری هەرێم بە هاوكاریی دەزگای ئاماری عێراقی و ڕێکخراوی نەتەوە یەكگرتووەكان، لە سێ پارێزگای هەرێمی کوردستان دەستیانكردووە بە ئامادەكاری بۆ ڕووپێوییەك لەسەر كێشە و داواكارییەكانی گەنجان.
دەستەی ئاماری هەرێم بە هاوكاریی دەزگای ئاماری عێراقی و ڕێکخراوی نەتەوە یەكگرتووەكان، لە سێ پارێزگای هەرێمی کوردستان دەستیانكردووە بە ئامادەكاری بۆ ڕووپێوییەك لەسەر كێشە و داواكارییەكانی گەنجان.
شوان عەباس سه‌رپه‌رشتیاری ڕووپێوییەكە لە دەستەی ئاماری هەرێم باس لەوە دەكات، ئامانجیان ئەوەیە بە ئامار كێشە و گرفتەكانی گەنجان بخەنەڕوو، هاوکات داتایەکی دروستیشیان لەبەردەستدا دەبێت، لەبارەی پەروەردە و بێکاری و تەندروستی و باری کۆمەڵایەتی گەنجان.
ئەزمەڕ خەلیل بەڕێوەبەری گشتیی وەرزش و لاوان لە وەزارەتی ڕۆشنبیری هەرێمیش دەڵێت، لەلایەن توێژەرەکانەوە سەردانى خێزانەکان دەکرێت و چاوپێکەوتنیان لەگەڵ دەکرێت و شیدەکرێتەوە و دواتر گفتوگۆى دەکەن، لە ڕێگەی ئەنجامەكانی ئەم ڕووپێوییەوە، ڕاپۆرتێكی گشتگیر ئامادە دەکەن بۆ كابینەی نوێی حکومەت و پەرلەمان، بۆئەوەی کار لەسەر چارەسەرکردنی کێشەکانی گەنجان بکرێت.
لە ڕووپێوییەکەدا باس لە گۆڕانکارییە سیاسی و کۆمەڵایەتییەکان دەکرێت لە نێوان ساڵانی ٢٠٠٣ بۆ ٢٠١٤ و کاریگەرییەکانی لەسەر گەنجان و مێردمنداڵان، لە چەند ڕۆژی داهاتووشدا کارە مەیدانییەکانی ڕووپێوییەکە دەستپێدەکات و لە چوار مانگدا کۆتایی دێت.
ئ.ر