دیداری پێکەوەژیان و کاریگەریی لەسەر گەشەسەندنی کۆمەڵگە لە شاری سلێمانی و بە ئامادەبوونی ژمارەیەکی لە مامۆستایانی ئاینی و کەسانی ئەکادیمی و هاووڵاتییان و بە سپۆنسەری دامەزراوەی میدیایی نالیا بەڕێوەچوو.
دیداری پێکەوەژیان و کاریگەریی لەسەر گەشەسەندنی کۆمەڵگە لە شاری سلێمانی و بە ئامادەبوونی ژمارەیەکی لە مامۆستایانی ئاینی و کەسانی ئەکادیمی و هاووڵاتییان و بە سپۆنسەری دامەزراوەی میدیایی نالیا بەڕێوەچوو.
مەسعود عەبدولخالق یەکێک لە بەشداربووانی دیدارەکە دەڵێت، کورد وا تێگەیەنراوە کە ئاینەکان جیاوازی دروستدەکەن و لەو ڕێگەیەوە کێشە دروستدەبێت.
لە هەرێمی کوردستان، زۆرینەی هاووڵاتییان ئایینی ئیسلام پەیڕەودەکەن و ئیدریس کاریتانی مامۆستای ئایینی دەڵێت، ئیسلام ڕێزی لە هەموو ئایینەکانی دیکە گرتووە و پارێزگاریی لێ کردوون.
بە وتەی بەشداربووانی دیدارەکە، گفتوگۆ و دیداری نێوان پێکهاتەکان، گرنگە بۆ لێکتێگەیشتنی نێوان پێکهاتە ئایینی و نەتەوەییەکان لە هەرێمی کوردستاندا.
محەمەد حسێنیش مامۆستای ئایینی ئاماژە بەوە دەکات، نابێت بە شێوازی مامەڵەکردن پێکهاتە ئاینییەکان نیگەران بکرێن و دەشڵێت، لە ئایینی ئیسلامدا ئازادی تەواو دراوە بە ئایینەکانی دیکە، ئەو فەرمایشتانەى توندوتیژى و زبرى تێدایە لەکاتى ڕووبەڕووبوونەوەدایە.
هاوکات عارف غەفوور مامۆستای ئایینی ڕوونیکردەوە، لە دواى پێغەمبەر (د.خ) خەلیفەکانى ڕاشیدین هەمان ئازادییان داوە بە دینەکانى دیکە، کە شوێنى عیبادەتی خۆیانیان هەبێت و دەستدرێژى نەکرێتە سەریان.
بەشداربووانی دیدارەکە، داوادەکەن هاوشێوەی ساڵانی ڕابردوو، پێکهاتە ئاینییەکان لەگەڵ یەکتردا بگونجێن و کاربکەن بۆ پاراستنی ئاشتیی کۆمەڵایەتی.
لە هەرێمی کوردستاندا چەندین پێکهاتەی ئایینی و نەتەوەیی جیاواز دەژین، لە ڕابردووشدا پێکهاتەکان بەردەوام کاریانکردووە بۆ پاراستنی ئاشتیی کۆمەڵایەتی.
ئ.ر