جیاواز لە ڕۆژانی تر، هەموو هەینییەک بەشێک لە هاوڵاتییان زووتر دەست لە کار و پیشەکانیان هەڵدەگرن، چونکە لەگەڵ بیستنی دەنگی قورئان لە بڵندگۆی مزگەوتەکانەوە، دوکانەکانیان دادەخەن و دەست لە کار و پیشەکانیان هەڵدەگرن و بەرەو مزگەوتەکان بەڕێدەکەون بۆئەوەی گوێ لە وتاری هەینی ڕابگرن.
جیاواز لە ڕۆژانی تر، هەموو هەینییەک بەشێک لە هاوڵاتییان زووتر دەست لە کار و پیشەکانیان هەڵدەگرن، چونکە لەگەڵ بیستنی دەنگی قورئان لە بڵندگۆی مزگەوتەکانەوە، دوکانەکانیان دادەخەن و دەست لە کار و پیشەکانیان هەڵدەگرن و بەرەو مزگەوتەکان بەڕێدەکەون بۆئەوەی گوێ لە وتاری هەینی ڕابگرن.
هێمن بۆگدی وتارخوێن و پێشنوێژی مزگەوتی مەدینە لە کۆیە، وتاری ئەم هەینییەی تایبەتکرد بە کوشتن و ئاماژەی بەوە کرد، ئەگەر لە هەر وڵاتێکدا یاسا سەروەر بوو ڕێژەی کوشتنیش کەم دەبێتەوە.
سەبارەت بە کوشتنی چین و توێژە جیاوازەکانی کۆمەڵگا، وتارخوێن و پێش نوێژی مزگەوتەکە باسی لەوە کرد، جگە لەوەی بە پلەی یەکەم حکومەت بەرپرسە، بە پلەی دووەم و سێیەمیش ئەو شێخ و مەلا و پیاوماقوڵانە بەرپرسن کە دەچنە سوڵحی بکوژێکەوە، کە لە پەنای کەسێکدا خۆی حەشارداوە و کەسێکی بە ناحەت کوشتووە و لەم حاڵەتەدا ئەمانیش بەشداردەبن لەو کوشتنەدا.
بەشێک لە هاوڵاتییان پێیانوایە کوشتن لە هەرێمی کوردستان لە حاڵەتەوە بووە بە دیاردە و، زۆربەی بکوژەکانیش لە پەنای کەسێکدا خۆیان داڵدە دەدەن و خۆیان لە دادگاکان بە گەوەرەتر دەزانن.
ئەوەش لەکاتێکدایە، تەنیا لە ساڵی ٢٠١٨دا لە پارێزگای هەولێر ٦٥ کەس و لە پارێزگای سلێمانی ٦٢ کەس بە هۆکاری جۆراوجۆر کوژراون.
ع.م