بەهۆی ڕووداوێکی هاتوچۆوە لە سەر ڕێگای نێوان کەلار و ناحیەی کوڵەجۆ کەسێک گیانی لەدەستدا.
بەهۆی ڕووداوێکی هاتوچۆوە لە سەر ڕێگای نێوان کەلار و ناحیەی کوڵەجۆ کەسێک گیانی لەدەستدا.
بەڕێوەبەرایەتی پۆلیسی گەرمیان لە ڕاگەیەندراوێکدا بڵاویکردووەتەوە، "بەیانی ئەمڕۆ یەکشەمە لەسەر ڕێگای کەلار- ناحیەی کوڵەجۆ و نزیک گوندی باناسیاو، ڕووداوێکی هاتووچۆ لەنێوان بارهەڵگرێک و ئۆتۆمبێلێکی جۆری پیکاب ڕوویداوە و لە ئەنجامدا شۆفێری پیکابەکە بەناوی فایف عەبدوڵڵا محەمەد گیانی لەدەستداوە".
ئاماژەی بەوەش کردووە، ناوبراو لە دایکبووی ساڵی ١٩٥٧ و دانیشتووی کەلار بووە.
بەڕێوەبەرایەتی پۆلیسی گەرمیان ئەوەشی خستووەتەڕوو، بەمەبەستی پشکنین تەرمی شۆفێری پیکابەکە ڕەوانەی پزیشکی دادوەری قەزای کەلار کراوە و شۆفێری بارهەڵگرەکەش لەبنکەی پۆلیسی کۆکز دەست بەسەرکراوە.
ش.ق