محەمەد حەلبوسی سەرۆکی پەرلەمانی عێراق سەردانی پارێزگای دهۆک دەکات.
پەیامنێری ئێن ئاڕ تی ڕایگەیاند، وا بڕیارە ئەمڕۆ هەینى محەمەد حەلبوسی سەرۆکی پەرلەمانی عێراق سەردانی پارێزگای دهۆک بکات و لەلایەن فەرهاد ئەتروشی پارێزگاری دهۆکەوە پێشوازی لێبکرێت.
ئاماژەى بەوەشکرد، وا بڕیارە کاتژمێر ١١ و نیو سەردانی پەرستگای لالش بکەن بۆ پیرۆزبای چەژنى ئێزیدیەکان و هاوکات سەردانی کەمپی ئاوارەکانی ناوچەکە دەکەن.
ئەمەش لە کاتێکدایە بەمەبەستی کۆبونەوە لەگەڵ بەرپرسانی هەرێم و بەشداری لە جەژنی ئێزیدییەکان، ئەمشەو محمد حەلبوسی سەرۆکى پەرلەمانى عێراق گەیشتە هەولێر و لەلایەن وەزیرى ناوخۆ و پارێزگارى هەولێرەوە پێشوازى لێکرا.
بەپێی زانیارییەکان، سەرۆکى پەرلەمانى عێراق لەگەڵ هەریەکە لە مەسرور بارزانى و نێچیرڤان بارزانى کۆدەبێتەوە.
ئەمڕۆ جەژنى ئێزیدییەکان لە پەرستگاى لالش بە ئامادەبوونى بەرپرسانى حکومى و حزبى لە شنگال بەڕێوەدەچێت.
هـ،ڕ