حەسەن رۆحانی بەرسڤا هێرشێن ئەحمەدی نەژاد دا
فۆتۆ:
2018-12-15
232 جار خوێندراوەتەوە
نڤیسینگەها رۆژنامەڤانی یا حەسەن رۆحانی بەرسڤا رەخنە و هێرشێن ئەحمەدی نەژاد سەرۆک کۆمارێ بەرێ یێ ئیرانی دا و دیار کر، ئەحمەدی نەژاد رایا گشتی شاش دکە و وەلاتیێن ئیرانێ دخاپینە.
حمود واعزی بەرپرسێ نڤیسینگەها رۆژنامەڤانیا حەسەن رۆحانی سەرۆک کۆمارێ ئیرانێ راگەهاند، ئەحمەدی نەژاد دخوازە رایا گشتیا ئیرانێ بخاپینە و رۆحانی وەکی بەرپرسێ تەڤاهیا پرسگرێکێن ئیرانێ نیشان بدە، لێ ب خوە ژی دزانە چاڤکانیێن پرسگرێکان چنە.
هەروەسا دازانین، تەڤاهیا خەلکێ ئیرانێ دزانن، کەسێ کو بوو سەدەما دۆرپێچێن سەر ئیرانێ و تێکچوونا پەیوەندیێن ئیرانێ م وەلاتێن جیران ، کییە.
ئەحمەدی نەژاد د خرڤەبوونەکا نەرازیبوونێ یا فەرمانبەر، مامۆستا و کارکەرێن ئیرانێ دا کو ل پارێزگەها گیلانی هاتبوو پێکئانین، هێرش ل هەمبەر رۆحانی پێک ئانی و دابووزانین " رۆحانی گەر حوکمرانیێ نزانە، بلا دەست ژ کار ڤەکشینە".
هـ.ج