ئامارا کۆچکرنا خەلکێ هەرێما کوردستان و عێراقێ د ناڤا چار سالێن بووری دە
فۆتۆ:
2018-12-15
329 جار خوێندراوەتەوە
ئاری جەلال سەرپەرشتیارێ گشتیێ فیدراسیۆنا پەنابەرێن عێراقێ راگەهاند، د ناڤا چار سالێن بووری دە زێدەتر ژ ٥٥٥ هەزار کەسان ل هەرێما کوردستان وعێراقێ کۆچی ئەورۆپایێ کرنە و ٢٧٤ کەس ژی د رێیا ئەورۆپایێ دە ژیانا خوە ژ دەست دانە.
د چارچۆڤەیا بەرنامەیا "بەیانیت باش کوردستان" یا ئێن ئاڕ تی دە ئاری جەلال ئامارا چار سالێن بووری یا کۆچکرنا نەیاسایی ئەشکەرە کر و راگەهاند، ب تەنێ د ناڤا ٤ سالێن بووری دە زێدەتر ژ ٥٥٥ هەزار کەسان ل هەرێما کوردستان و عێراقێ کۆچی ئەورۆپایێ کرنە.
هەروەسا دازانین، ئامارا وان ب تەنێ کەسێن کو ب نەیاسایی ژ هەرێما کوردستان و عێراقێ دەرکەتەنە ڤەدگرە و کەسێن کو مافێ پەنابەریێ وەرگرتنە و ب ڤیزایێ ب رێکا داوەتنامەیێ دەرباسی ئەورۆپایێ بوونە و ڤەنەگەریانە، ڤەناگرە.
ئاری جەلال گۆت:" د ناڤا ٤ سالێن بووری دە ٢٧٤ وەلاتیێن هەرێما کوردستان و عێراقێ د رێیا کۆچکرنێ دە، د دەریایا رەش ، دەریایا ئیجە و رێکا بەژایی دە ژیانا خوە ژ دەست دانە.
هەر سال هەژمارەکا زێدە یا وەلاتیێن هەرێما کوردستان و عێراقێ ب سەدەما نەئارامیا ئابوری، سیاسی و ئەولەهیێ ب ئاوایەکێ نەیاسایی قەستا وەلاتێن ئەورۆپایێ دکن.
هـ.ج