وەزارەتا پلاندانانا عێراقێ
فۆتۆ:
2018-12-15
450 جار خوێندراوەتەوە
وەزارەتا پلاندانانا عێراقێ ئاشکراکر، ٤١%ێ مالباتێن عێراقێ تورومبێلێن خوە هەنە و نێزیکى ١١%ێ خوەدى ئایپادێن خوەنە
عەبدولزەهرە هنداوى وەزیرێ پلاندانانا عێراقێ ئەڤرۆ ڕۆژا شەمبى(١٥ێ کانونا ٢٠١٨)ێ د بەیاننامەیەکێ دا ڕاگەهاند، دەزگەهێ ناڤەندێ یێ سەرژمێریان و ڕێڤەبەریا سترتیژیا کێمکرنا هەژاریێ ل وەزارەتا پلاندانانێ سەرژمێریەک ئەنجامدا دەربارەى ڕێژەیا هەژاریێ ل عێراقێ ل سالا ٢٠١٨ێ دا.
ئارمانج ژ ڤێ سەرژمێریێ بۆ دیارکرنا جڤاکى و ئابورى نینە.
لگورى سەرژمێریێ ٤١%ێ مالباتێن عێراقێ خوەدى ترومبێلێن خوەنە و ١٠.٩%ێ ژى مالباتێن خوەدى ئایپادێ نە.
هنداوى ئەو یەک ژى زەلال کر، لگورى وێ سەرژمێریا وەزارەتێ ئەنجامدایی ١٥.٩%ێ مالبات خوەدى کومپیوتەرن و ٧٨%ێ مالبات خوەدى موبایلێن زیرەکن.
لگورى وێ سەرژمێریا کو وەزارەتا پلاندانانێ ئاشکرا کرى ٧٢%ێ مالبات، خوەدى خانیێن خوەنە.
ئەڤە د دەمەکێ دایە، وەزارەتا پلاندانانێ بەریا نها بەلاڤکربوو، ٣١%ێ ڕەوشا ژیانا وان خرابە و د دوو سالێن داهاتى دا ژى ڕەوشا مالباتان چ گوهورینێن بەرچاڤ بسەر دا ناهێت