وەزارەتا دارایی یا حکومەتا هەرێما کوردستانێ
فۆتۆ:
2018-12-15
1884 جار خوێندراوەتەوە
وەزارەتا دارایی یا حکومەتا هەرێما کوردستانێ چەند ڕێنماییەکێن نوو بۆ جهێ دانانا فەرمانبەرێن گرێبەست دەرکرن و ڕاگەهاند، د دەما دامەزراندنا فەرمانبەرەکێ گریبەست ل شونا فەرمانبەرەکێ دن دا پێدڤییە ب هەمان باوەرنامە و بسپۆری هەبیت.
وەزراەتا دارایی د نڤیسەکێ دا کو ئیمزایا ڕێباز حەملان وەزیرێ دارایی و ئابوری ل سەرە بەحسا وێ یەکێ کرییە، فەرمانبەرێن گرێبەست د دەما پێدڤیا فەرمانگەهان دا تێن دامەزراندن.
زەلال ژى کر، ئەو کەسێن ب گرێبەست بێن دامەزراندن ل شونا فەرمانبەرەکێ دن، پێدڤیە ل وێ سالێ هاتبیت دامەزراندن دەما فەرمانبەرێ دن هاتی لادان.
بەحسا وێ یەکێ ژى کر، "پێدڤیە وێنەیێ نڤیسا وى فەرمانبەرێ هاتى لادان دگەل وى کەسى بیت ئەوێ هاتى دامەزراندن".
ئەو یەک ژى دیار کر، پیدڤیە ئەو کەسێ دهێت دامەزراندن هەمان باوەرنامە و بسپوریا فەرمانبەرێ دن هەبیت و د نڤیسا فەرمى دا ئاماژە ب باوەرنامە و پسپورا هەردوو ئالیان کربیت.
ل سالا ٢٠١٢ ب بریارا حکومەتا هەرێما کوردستانێ فەرمانبەرێن گرێبەست ل دامودەزگەهێن حکومى یێت هەرێمێ دا هاتن دامەزراندن ل دیف ئاماران، زێدەترى ٣٠ هزار فەرمانبەرێن گرێبەست هەنە و ل دیف ڕێنمایێن وەزارەتا دارایی هەر فەرمانبەرەکێ سێ سالان خزمەت هەبیت دێ ژ گرێبەستێ تەمام بیت و بیتە هەرتمى.
م.ن