ئەنقەرە: ھێرشێن مە بۆ سەر پەکەکێ ل سنورێ عێراقێ بەردەوام دبن
فۆتۆ: فۆتۆ: ئێن ئاڕ تى
2018-12-15
232 جار خوێندراوەتەوە
حامی ئاکسۆی پەیڤدارێ وەزارەتا دەرڤەیا تورکیایێ ڕاگەھاند، ھەیا کو پەکەکە لسەر ئاخا عێراقێ ھەبیت، دێ ئۆپەراسیۆنێن وان بۆ سەر سنورێ وی ولاتی بەردەوام بن.
ئەڤرۆ شەمبیێ (١٥ێ کانونا ٢٠١٨ێ)، پەیڤدارێ وەزارەتا دەرڤەیا تورکیایێ ڕاگەھاند، "ھەیاکو پەکەکە لسەر ئاخا عێراقێ ھەبیت، دێ ئۆپەراسیۆنێن تورکیایێ بۆ سەر ئاخا عێراقێ بەردەوام بن".
ڕاگەھاند ژی، ھەبوونا پەکەکێ د عێراق و سوریایێ دا مەترسیە بۆ سەر ئاسایشا تورکیایێ و داخواز ژ عێراقێ کر، ب ئەرکێ خوە ڕابیت ڕێگریێ ژ چالاکیێن پەکەکێ لسەر ئاخا ولاتێ خوە بکەت.
ئێڤاریا ڕۆژا پێنجشەمبیێ (١٣ێ کانونا ٢٠١٨ێ) دەمژمێر ٩:٥ خولەک، زیدەتر ژ ٢٠ بالافرێن ئارتێشا تورکیایێ، کەمپا مەخمورێ یا ئاوارەیێن باکورێ کوردستانێ و شنگال بۆمبەباران کرن، د ئەنجام دا ل مەخمورێ ٤ ژن شەھید بوون کو سێ ژ وان ژ یەک مالباتێ نە و ھەژمارەک کەس ژی بریندار بوون.
پشترا وەزارەتا دەرڤەیا عێراقێ فاتیح یەڵدز بالیۆزێ تورکیا ل عێراقێ گازی کر، نامەیەکا نەڕازیبوونێ دەربارەی دووبارەبوونا ھێرشێن ئەسمانیێن ئەنقەرەیێ بۆ سەر ئاخا عێراقێ ڕادەستکر.
س.م