دژی بۆمبەبارانێن ئارتێشا تورکیایێ پشکەک ژ وەلاتیێن شنگالێ خوەنیشاندان دەستپێکرن
فۆتۆ: فۆتۆ: ئێن ئاڕ تى
2018-12-15
198 جار خوێندراوەتەوە
دیجیتال میدیایا ئێن ئاڕ تی، شنگال، نەزیر شنگالی
ل ھەمبەر سنور بەزاندن و بۆمبەبارانێن ئارتێشا تورکیایێ، پشکەک ژ وەلاتیێن ناحیا سنونێ یا سەر ب قەزا شنگالێ دەست ب خوەنیشاندنان کرن.
نووچەگەھانێ دیجیتال میدیایا ئێن ئاڕ تی ل شنگالێ ڕاگەھاند، بەریا دەمەکێ کێم پشکەک ژ وەلاتیێن ناحیەیا سنونێ یا سەر ب قەزا شنگالێ ل دژی وان بۆمبەبارانێن بەریا دوو ڕۆژان ل سنورێن ھەردوو دەڤەرێن شنگال و مەخمورێ، خوەنیشاندنان دەستپێکرنە.
ھەروەسا دیارکر ژی، د خوەنیشاندانێ دا ژبلی وەلاتیێن سڤیل ئالیێن پەیوەندیدار ژی پشکداربوونە.
دازانین ژی، خوەنیشاندەر لسەر ڕێکا سەرەکی یا د ناڤبەرا سنونێ – شنگالێ دەست ب مەشێ کرنە، داخواز دکەن سنورەک بۆ وان بنپێکاریێن دەولەتا تورکیایێ بێ دانان، بریارە بەیاننامەک ژی دەربارەی وێ یەکێ بۆ ڕایا گشتی بێ خواندن.
ئێڤاریا ڕۆژا پێنجشەمبیێ (١٣ێ کانونا ٢٠١٨ێ) دەمژمێر ٩:٥ خولەک، زیدەتر ژ ٢٠ بالافرێن ئارتێشا تورکیایێ، کەمپا مەخمورێ یا ئاوارەیێن باکورێ کوردستانێ و شنگال بۆمبەباران کرن، د ئەنجام دا ل مەخمورێ ٤ ژن شەھید بوون کو سێ ژ وان ژ یەک مالباتێ نە و ھەژمارەک کەس ژی بریندار بوون.
پشترا د ڕێورەسمەکا جەماوەری دا ل مەخمورێ تەرمێ ھەر چار شەھیدێن بۆمبەبارانا دوھی یا ئارتێشا تورکیایێ ھاتنە ڤەشارتن.
س.م