جارەکا دن بالافرێن ئارتێشا تورکیایێ سنورێ قەزا ئامێدیێ بۆمبەباران کرن
فۆتۆ: فۆتۆ: ئێن ئاڕ تى
2018-12-15
372 جار خوێندراوەتەوە
دیجیتال میدیایا ئێن ئارتی، ئامێدی، نیھاد ئورەماری
ئەڤرۆ دەمژمێر یەکێ پشتی نیڤرۆ بالافرێن ئارتێشا تورکیایێ سێ جاران دەڤەرا نێروە ڕێکان ل سنورێ ناحیەیا شێلادزێ یا گرێدایی ئامێدیێ بۆمبەباران کرن.
نووچەگەھانێ دیجیتال میدیایا ئێن ئاڕ تی دازانین، بالافرێن تورکیایێ ڕێکا ھاتن و چوونا دەڤەرا نێروە و ڕیکان ل سنورێ گوندێ سیدان بۆمبەباران کرنە، پشکەکا وێ ڕێکێ ھەلوەشاندنە.
گوندێ سیدان یێ سەر ب ناحیا شێلادزێ دکەڤە نێزیک ئاڤا مارکە، چەندین جھێن گوزاری ل وێ دەڤەرێ ھەنە، د بھێنڤەدانان دا ھەژمارەکا زۆر ژ وەلاتیان قەست دکەنێ.
ئەڤە ژی دەمەکێ دایە، ئێڤاریا دوھی ١٤ێ کانونێ، بالافرێن شەری یێن ئاڕتێشا تورکیایێ دووجاران سنورێ گوندێ شاجا ل دەڤەرا نێروە و ڕێکان یا سەر ب قەزا ئامێدیێ بۆمبەبارانکرن.
س.م
