ئەندامەکێ سەرکردایەتیا پارتیێ بەرسڤا قوباد تالەبانی دا
فۆتۆ: فۆتۆ: ئێن ئاڕ تى
2018-12-15
2080 جار خوێندراوەتەوە
دەربارەی باشترکرنا ڕەوشا ئابووریا وەلاتیان و پەیوەندیێن ناڤبەرا ھەرێما کوردستان و بەغدایێ، عەلی عەونی ئەندامێ سەرکردایەتیا پارتیێ بەرسڤا قوباد تالەبانی جێگرێ سەرۆک وەزیرێ ھەرێمێ دا.
د رووپەلا خوە یا تایبەت یا فەیسبووکی دە عەلی عەونی نڤیسیە، "قەبەحەتا ھەری مەزن بناڤێ کوردان ھاتبە کرن، خیانەتا ١٦ێ ئۆکتۆبەرێ بوو، ئەڤ خیانەتە بۆ سەدەما وێ یەکێ کو نیڤیا کوردستانێ ڕادەستی حەشد و عەرەبێن داگیرکەر بێ کرن".
عەلی عەونی ھەروەسا گۆت:"کاک قوباد ڕاست دبێژیت، ئەگەر برا، دایک، خالەت و پسمامێن وی چ قەبەحەتێن دن یێن مەزن نەکەن، دێ ڕەوشا مە زۆر باشتر بیت".
قوباد تالەبانی جێگرێ سەرۆک وەزیرێ ھەرێما کوردستانێ د تۆیتەکێ دا گۆتبوو:"ب دیتنا من ئەگەر لسەر چاکسازیان بەردەوامبین و ڕێکەفتنا مە دگەل بەغدایێ تێکنەچیت و نرخێ نەفتێ زێدە نەداکەڤیت و قەبەحەتەکا مەزن نەکەین، پێشبینی دکەم ڕەوشا ھەرێما کوردستانێ باشتر ببیت".
س.م
