کۆلبەرەکێ دن ژ ئالیێ هێزێن ئیرانێ ڤە هاتە کوشتن
فۆتۆ:
2018-12-15
184 جار خوێندراوەتەوە
ل سنورێ رۆژهەلاتێ کوردستانێ، کۆلبەرەکێ دن یێ کورد ژ ئالیێ هێزێن ئیرانێ ڤە هاتە کوشتن.
میدیایێن رۆژهەلاتێ کوردستانێ دیارکرن، دوهی دانێ ئێڤارێ ١٤ێ کانونا ٢٠١٨ان، ل سنورێ هەنژاڵە یا گرێدایی باژارێ بانە یا گرێدایی پاریزگەها سنەیێ، هێزێن ئیرانێ تەقە ل هەژمارەک کۆلبەران کرن و د ئەنجامێ دە کۆلبەرەک ب ناڤێ رەحمان کتابی ژیانا خوە ژ دەست دا و کولبەرەک دن ژی ب ناڤێ محەمەد مەعروفی بریندار بوو.
رەحمان کتابی یێ ٤٠ سالی خەلکێ گوندێ نەنۆر یێ باژارێ بانەیێ یە و خوەدیێ پێنج زارۆکانە.
هەروەها محەمەد مەعروفی ژی بۆ چارەسەریێ ژ نەخوەشخانەیا باژارێ بانەیێ رە هاتیە شاندن و رەوشا وی نەباشە.
ل گۆری ئامارێن سازیێن مافێ مرۆڤان ژ دەستپێکا ئیسال و هەیا نها هەری کێم ٢١٣ کۆلبەرێن کورد هاتنە کوشتن و بریندارکرن.
هـ.ج