دادگەھێ و داوەران چ گوت و چ دڤێت؟
6/27/2021 8:09:13 PM
25952 جار خوێندراوەتەوە
خەتاب عومەر
+
-
د دوسەیێن گرتیێن بەھیدیناندا ھەیا نھا ژی روون نینە دادگەھـ و دەزگەھێن ئەولەکاریێ چ دڤێت و دڤێن چ بێژن؟
قوناغا ڤەکۆلینا ڤان گرتیان لسەر خۆنیشاندان و ئالۆزیان و دروستکرنا گرۆپان ل واتس ئاپی ھاتیەکرن، وان ژی دان ب ھندێ نایە کو خۆنیشاندان کرینە و گرۆپێن واتس ئاپی ھەنە و ئەم ھەمی دخوازین خۆنیشاندانان بکەین و مە ێت کرین و دێ کەین.
ل دەما ڤەگۆھاستنا وان بۆ دادگەھا تاوانێن دوو ل ھەولێرێ ل سەر سیخۆریکرن بۆ قونسلی و سەفارەتا و ھەماھەنگیا وان دگەل پەکەکێ تومەتبار کرینە و وان رەتکری یە.
ل دەما بەلاڤکرنا ڤیدیۆا ل میدیایێ کو مەزنترین پێشلکاریا یاسایی بوو وان بەحس ل بابەتەکێ دی کر دگەل ھندێ دا کو دەنگ و ڤیدیۆ ھاتبوو برین و ئەڤە ب چ رەنگا ب تێگەھشتا یاسایێن سەردەم و شارەزاێن ئەلکترۆنی نابیتە بەلگە، ب کورتی ڤیدیۆیا وان چ پەیوەندی ب بابەتێ ناڤ کەیسی نەبوو.
دادگەھا پێداچوونا ھەرێمێ ب بڕیارا خۆ ئێلاکر کۆ گرتنا ڤان چ پەیوەندی ب گرۆپ و چەکی و ڤان بابەتا ڤە نەبوو بەروڤاژی قوناغێن پێشتر بەلکۆ زێدەتر تیشک خستە سەر سیخۆریکرن بو قونسلگەریا ئەمریکا و ئەلمانیا، و بابەت وێڤەتر بر.
دادگەھا پێداچونێ بۆ راستڤەکرنێ کۆ ھەمان دادوەر بوون تیشکا خۆ لادا و بابەت ھەلاویستی ھێلا ئێدی دیار نەبوو دکویێ پرۆسا کۆ ب یاسایێ ڤە گرێداین چ دڤێن و کیش توھمەتە ل سەر وان ساخبووی ب بەلگەێن پێتڤی واتس ئاپ یان مسنجەر؟ و چ بڕیار دھێتەدان ددەمەکیدا کۆ یاسا ب ھویرترین و باشترین شێوە بابەتی دیار دکەت و بڕیارێ ددەت.
بەندێ پێ داینە دادگەھێ یاسا ژمارە ١٥٦ ژ یاسا سزادانێن عێراقێ راشتڤەکری ل ھەرێما کورستانێ ب یاسا ژمارە ٢١ یا سالا ٢٠٠٣ ئەڤ بەندە بەندەکە ب فرەھی بەحس ل بابەتێ ئێمناھیا دەولەتێ دکەت ب کورتی بەحس ل تێکدانا رەوشا وەلاتی و سلامەتیا وێ و ئێکەتیا وی دکەت لێ ب روونی دیار نەبوو ئەڤان کیشک کریە و دادگەھێ چ ل سەر وان ئێکلا کر؟.
ب باوەرا من ئەڤ کەیس زێدە ھاتە ئالۆزکرن و خالا خرابا وێ ئەو بوو ژ رێچکێ وێ ھاتە دویرکرن زێدەتر تولڤەکرنەکا کەسی وسیاسی ڤەگرت ب ناڤێ یاسایێ و یاسا ژبەرکۆ خودان سەروەری نەبو تێدا نەشیا بڕیارەکا دروست و سەربەخویانە ل سەر بدەت.
خالا دی حکومرانیکرن ب تولڤەکرنێ چ ئاڤاکرنێ دروست ناکەت و خالا ژ ھەمیێ مەترسیتر ئەوە تول ب یاسایێ بھێتە ڤەکرن، سمعەتا دادگەھێ راستەوخۆ کاریگەریا ھەی ل سەر دوماھیک ھیڤیا وەلاتیان و میلەتەک دەما بێ ھیڤی دبیت ل وی دەمی تازە ئەنجام دێ بنە ئەو یا ئەڤ بەندێ یاسایی دروست ل سەر جێبەجێ دبیت.