مان و نەمانا پەکەکێ بو کیڤە؟
6/10/2021 12:28:53 PM
19297 جار خوێندراوەتەوە
باوان باوانی
+
-
ھێرشێن ئەڤجارە یێن تورکیا بۆ سەر باشورێ کوردستانێ و لێدانا وێ ژبوی پەکەکێ بتنێ نینە بەلکو ژبوی داگیرکرن و قرکرنا کوردستانا باشورە بگشتی و کەرکوک و موسل ژی دگەلدا و ژناڤ چوونا دەستکەفتێن مللەتێ کوردە ژناڤبچن دیسان ژناڤبرنا سیستەم و قەوارێ فیدرالی یێ عیراقێ و ھەرێما کوردستانێ بھێتە ھەلوەشاندن ب تایبەت ھەرێم کو بەشەکێ عیراقێ یە ببیتە ناڤەندەک و بەشەک ژ وەلاتێ تورکیا.
ئەگەر پەکەکە ل قەندین نەمان یان شکەستن یان ھاتنە دەرکرن دێ زەرەرو زیانەکا مەزن ب دەستکەفتێن ھەرێمێ کەڤیت دێ بەرژەوەندێن مللەتێ کورد ژناڤچن و ھیچ گرنگی نامینیت چونکە ل جھێ ھەر خالەک و بنگەھەکێ پەکەکێ دێ ب چەکدارێن داعش و بەرەی نسرە ھێتە گرتن وەکی چاوا ل عەفرینێ ھاتیە داگیرکرن.
رۆژ بو رۆژ داگیرکرن و ھێرشێن تورکیا بو سەر باشورێ کوردستانێ بەرفرەھتر دبن کەسەک ژی نزانیت ئەڤجارە وێنەیێن ڤێ داگیرکرنێ دێ چاوابن و کو ھەتا نوکەژی دەستھەلاتدارێن کوردی و عیراقێ و ب تایبەت سەروک کومارێ عیراقێ کو کوردەھیچ ھەلویستەک نینە و نەبویە و تانوکە ژی دبێ دەنگن ژبۆ ڤێ داگیرکرن و ھێرشێن تورکیا کو ئەڤ چەندەژی وەسا ددەتەخویاکرن کو دبیت رێکەفتنەکا نھێنی دناڤبەرا دەستھەلاتدارێن عیراقێ و تورکیا ڤە ھاتبیتەکرن ژبۆ نەمانو داگیرکرنا ھەرێمێ ب کەرکوک و موسلێ ژیڤە وەکی د پلانا تورکیا دابۆ ب رێکا داعشێ کو ھەڤپەیمانا وێ بۆ ل سالا ٢٠١٤ دڤیا موسلێ و کەرکوکێ و باشورێ کوردستانێ ب روژئاڤایێ کوردستانێ ڤە داگیر بکەت و ھیچ دەستکەفتەکێ و ناڤەکێ کوردی نەھێلیت بەلێ ڤێ پلانێ سەر نەگرت و ژلایێ پێشمەرگەی و شەرڤانان و بەشەکێ ژ پەکەکێ ئەڤ پلانە ھاتە ژناڤبرن سەرنەگرت.
پشتی ژناڤچوونا داعش و بێ ھێزبونا ڤێ رێکخراوا تیرورستی کو ھەڤپەیمانا تورکیا بۆ سەرنەکەفتی د داگیرکرنا باشورێ کوردستانێ و روژئاڤایێ کوردستانێ تورکیا راستەخۆ ب رێکا لەشکەرێ خۆ تێکەل دگەل چەند رێکخراوێن تیرورستی بسەر تورکیا ڤە وەک داعش و ئەنسار و جەبھەت النوسرە و جەیش لحور کو تورکیا سەرپەرشتیا ڤان گروپان دکر تورکیا ھێرشێن مەزن دژی روژئاڤایێ کوردستانێ کرن ل سالا ٢٠١٧ کو بۆ ماوێ ٦٣ روژان ب ھەمی ھێز و شیانێن خوڤە نەشیای تا دوماھیکێ چەکێ قەدەغەرکری یێ فسفوری لدژی کوردان بکار ئینای ب رێکەفتنەکا نیڤ دەولەتی و ب تایبەت ئەمریکا رازامەندی کر لسەر داگیرکرنا عەفرینێ بتنێ کو تورکیا زێدەتر نەچیت ئەڤە بتنێ تورکیا ناراوەستیت تورکیا جارەکادن بەرێخودا باشورێ کوردستانێ.
ئەو رێکەفتنا دەستھەلاتدارێن عیراقێ دگەل تورکیا کرین کو رێک ب تورکیا دایە ب بەھانەیا ھەبونا پەکەکێ کو ھێرشی باشورێ کوردستانێ بکەت لێ لڤێرە بۆ تورکا مەسەلە نە تنێ پەکەکەیە ب لێدانا پەکەکێ بتنێ ناراوەستیت و رازینابیت بەلکو تورکیا پترو زورتر چاڤەرێ دکەت بدەستڤە بینیت.
ئەگەر عێراق و ئیران ب ھێرش و داگیرکرنا تورکیا بو سەر باشورێ کوردستانێ رازیببن ھەلوەشاندن و نەمانا ھەرێما کوردستانێ دێ ب دوماھیک ھێت ئەڤە گەلەک یا چاڤەرێکریە لێ ئەگەر د ھەمان دەمدا عێراقێ و ئیرانێ خو نەرازیژی کر ژوبۆ داگیرکرنا تورکیا دێ شەرێ ھەرسێ وەلاتان ل سەر ئاخ و سەر حسابا ھەرێمێ بیت وەک شەرێ چالدیران کو عوسمانی و سەفەوی شەرێ خۆ ھەمی لسەر خاکا ھەرێمێ دکر زەرەرمەندێن مەزن ھەر کورد بوون.
ژبەر ڤان مەترسان بۆ سەر کوردان و ئاخا کوردان گرنگە کورد ب ھەمی پێکھاتەین خۆڤە و ب ھەمی حزب و ئالیێن ھەرچار پارچێن کوردستانێ و ژدەرڤەی کوردستانێ ورەڤەندا کوردی بەرنامەیەکێ توکمە ب تێکوشین و ب رێکێن دبلوماسی ژلایێ پەرلەمانێ عیراقێ و کوردستانێ لەسەر ئێک مێز دژی ڤێ پلانگێریێ راوەستن و نەھێلن زێدەتر تورکیا و دوژمنێن کوردان و کوردستانیا پێنگاڤێن زێدەتر پاڤێن.