دادگەھـ یان دێ سەروەریێ بۆ خو زڤرینیت یان دێ سەروەریێ ژ ھەرێمێ وەرگریت؟
5/20/2021 6:52:17 PM
2480 جار خوێندراوەتەوە
خەتاب عومەر
+
-
پرسا سزادانا چالاکڤانێن بەھدینان ھند پرسەکا بچویک نینە دەستھەلاتدارێن ھەرێمێ ھزر بکەن ب رێکا ڤان جورە کاران ب ناڤێ یاسایێ دێ ترس و توقاندنێ دناڤا خەلکی دا بەلاڤ کەن.
ئوتونومی ب ڤێ ھەرێمێ ھاتیەدان داکو ب دیموکراسی برێڤەبچیت و ئازادیێن مروڤی تێدا بەرقەرار بن ھەر گاڤا ئەڤە نەما ئێدی دێ باجا نەبونێ دەتن.
ئەنجومەنێ دادوەری بخۆ دیارە چ لێکڤەکرنەکا حزبی یا بێ معنا تێدایە و چاوا حزب و بنەمالە دەستکاریێ تێدا دکەن ئەگەر ب وێ گوتنێ بایە کو یاسا دڤێت سەروەر بیت ل وی دەمی زۆرینەیا وە جھێ وان دیارە.
باشترین بژاردە راستڤەکرنا بریارا دادگەھا پێداچونێ یە کۆ ڤان چالاکڤانان و ھەمی ئەوێن دیێن بێ بنەما دەستەسەرکرین بھێنە ئازادکرن ب چ رەنگەکی لێبورینا سەرۆکێ ھەرێمێ نەچارەسەری یە وەکو بەحس دکەن ژبەرکو ئێکەم دێ شین تبلێن ڤان چالاکڤانان وەکو سیخۆر مینن و کۆنسلیێن وەلاتان ژی ب بریارا دادگەھێ سیخۆر دمینن ئەڤەژی مەترسی یە ل سەر داھاتیێ ڤێ ھەرێمێ.
ب روونی نوێنەرا نەتەوەێن ئێکگرتی ھەرەشەیا سەر قەوارا ھەرێمێ دیار کر، دبیت بو خودان رەگەزنامێن بیانی کو زۆرینەیا بازرگانێن ڤێ ھەرێمێ خودانن بخێزانڤە ئەڤە بۆ وان گرنگ نەبیت لێ مەرج نینە ھەرەشە ل سەر خودێ قەوارێ بیت بەلکو ل سەر دەستھەلاتداریا وانە زێدەتر ئێدی بو وان باشترە لێڤەببن بەری بھێنە لیڤەکرن.
باشترین بژاردە ژی راستڤەکرنا بڕیارا دادگەھا پێداچوونێ یە و چ رێکەکا دی ڤێ پێنگاڤا خەلەت ڕاستڤەکرن.